കോഴിക്കോട് കുറ്റ്യാടി വീട്ടിനുള്ളിൽ നിന്ന് അഞ്ച് പാമ്പുകളെ കണ്ടെത്തി. കിടപ്പുമുറിയിൽ നിന്നാണ് വിഷമുള്ള ശംഖുവരയൻ ഇനത്തിൽപ്പെട്ട പാമ്പുകളെ കണ്ടെത്തിയത്. കാപ്പുമ്മൽ രമേശിന്റെ വീട്ടിൽ നിന്നാണ് പാമ്പുകളെ പിടികൂടിയത്.
കോഴിക്കോട് കാരശ്ശേരിയിൽ വീട്ടുവളപ്പിൽ നിന്ന് പാമ്പിനെ പിടികൂടിയിട്ടുണ്ട്. മൂർഖൻ പാമ്പിനെയാണ് പിടികൂടിയത്. നെല്ലിക്കാ പറമ്പ് അങ്കണവാടിക്ക് സമീപത്ത് വെച്ചായിരുന്നു പാമ്പിനെ പിടികൂടിയത്. ഇന്നലെ വൈകിയിട്ട് 3 മണിയോടെ ആയിരുന്നു സംഭവം. വനം വകുപ്പിന് കീഴിലുള്ള സ്നൈക്ക് റെസ്ക്യു അംഗമായ ബാബു എള്ളങ്ങൽ സ്ഥലത്തെത്തി പാമ്പിനെ സുരക്ഷിത സ്ഥലത്തേക്ക് മാറ്റി.
അതേസമയം കണ്ണൂരിലും വീട്ടുമുറ്റത്ത് മൂർഖൻ പാമ്പിനെ കണ്ടെത്തി. കക്കാട് റോഡിലെ സി എൻ മമ്മൂട്ടിയുടെ വീട്ടിലാണ് പാമ്പിനെ കണ്ടത്. ഉടൻ
റസ്ക്യൂവറെ വിവരം അറിയിച്ച്, പാമ്പിനെ പിടികൂടി.
ഇന്നും സംസ്ഥാനത്ത് വിവിധ ഇടങ്ങളിൽ നിരവധി പേർക്ക് പാമ്പ് കടിയേറ്റതായി റിപ്പോർട്ടുണ്ട്. ചൂട് കൂടുന്ന സാഹചര്യത്തിൽ പാമ്പുകള് തണുപ്പ് തേടി വീടുകളിലേക്കും മറ്റും വ്യാപകമായി എത്തുന്നുണ്ട്. വീടും പരിസരവും കൃത്യമായി നിരീക്ഷിക്കുകയും ജാഗ്രത പാലിക്കുകയും വേണം.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
