വടിവാള്‍ വീശി റീല്‍ ചിത്രീകരിച്ച് സോഷ്യല്‍ മീഡിയയില്‍ പോസ്റ്റ് ചെയ്ക് കന്നഡ നടന്മാര്‍ക്കെതിരെ പൊലീസ് കേസെടുത്തു. നടന്മാരായ വിനയ് ഗൗഡ, രജത് കിഷൻ എന്നിവര്‍ക്കെതിരെയാണ് കേസെടുത്തിരിക്കുന്നത്. ഇരുവരും കന്നഡ ബിഗ് ബോസ് മുൻ മത്സരാര്‍ഥികളാണ്.
2025 മാർച്ച് 20ന് പോലീസ് സബ്-ഇൻസ്പെക്ടർ (പിഎസ്ഐ) ഭാനു പ്രകാശ് സമർപ്പിച്ച റിപ്പോർട്ടിനെത്തുടർന്ന് ബസവേശ്വരനഗർ പൊലീസ് സ്റ്റേഷനിൽ ഇരുവര്‍ക്കുമെതിരെ എഫ്ഐആര്‍ ഔദ്യോഗികമായി രജിസ്റ്റർ ചെയ്തിട്ടുണ്ട്.പൊതുസമാധാനത്തിനും സുരക്ഷയ്ക്കും ഭീഷണിയായി കണക്കാക്കപ്പെടുന്ന ആയുധം കൈവശം വച്ചുകൊണ്ട് ചിത്രീകരണം നടത്തി അടക്കമുള്ള കാര്യങ്ങള്‍ ചൂണ്ടിക്കാട്ടിയാണ് താരങ്ങ‍ള്‍ക്കെതിരെ കേസെടുത്തിരിക്കുന്നത്.
സോഷ്യൽ മീഡിയ പരിശോധിക്കുന്നതിനിടെയാണ് പൊലീസ് ഈ വീഡിയോ കണ്ടെത്തിയത്. ബസവേശ്വരനഗർ പൊലീസ് സ്റ്റേഷനിലെ പൊലീസ് സബ് ഇൻസ്പെക്ടർ (പിഎസ്ഐ) ഭാനു പ്രകാശ് 2025 മാർച്ച് 20 ന്, നിയമവിരുദ്ധമോ ദോഷകരമോ ആയ ഉള്ളടക്കത്തിനായി സോഷ്യൽ മീഡിയ നിരീക്ഷിക്കുന്ന ജോലി ചെയ്യുന്നതിനിടെയാണ് റീൽ കണ്ടത്. തുടർന്ന് അദ്ദേഹം ഒരു റിപ്പോർട്ട് ഫയൽ ചെയ്തു, രണ്ടുപേർക്കെതിരെയും എഫ്ഐആറും രജിസ്റ്റർ ചെയ്തു.
പൊതുജനമധ്യത്തിൽ ആയുധങ്ങൾ പ്രദർശിപ്പിക്കുന്നത്, പ്രത്യേകിച്ച് ഭീഷണിപ്പെടുത്തുന്ന രീതിയിൽ, പ്രദർശിപ്പിക്കുന്നത് സ്വീകാര്യമല്ലെന്നാണ് പൊലീസ് പറയുന്നത്. ഇത് ആളുകളിൽ പരിഭ്രാന്തിയോ ഭയമോ ഉണ്ടാക്കുമെന്നും അഭിനയമാണെങ്കില്‍ പോലും വീഡിയോയിൽ, രണ്ടുപേരും മറ്റുള്ളവരെ ഭയപ്പെടുത്താൻ ശ്രമിക്കുന്നതായി കാണപ്പെട്ടുവെന്നുമാണ് പൊലീസിൻ്റെ വാദം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
