ഗുസ്തി താരം വിനേഷ് ഫോഗട്ട് ഏഷ്യന്‍ ഗെയിംസില്‍ നിന്ന് പിന്മാറി. പരിശീലനത്തിനിടെ പരുക്കേറ്റതാണ് പിന്മാറാന്‍ കാരണം. ഇടത് കാല്‍മുട്ടിനാണ് താരത്തിന് പരുക്കേറ്റിരിക്കുന്നത്. എക്സിലൂടെ താരം തന്നെയാണ് പിന്മാറ്റം അറിയിച്ചത്.
13-ാം തീയതി പരിശീലനത്തിനിടെ പരുക്കേറ്റ താരം മെഡിക്കല്‍ പരിശോധനകള്‍ക്കും സ്‌കാനിംഗിനും വിധേയയായിരുന്നു. പരുക്ക് ഭേദമാകാന്‍ ശസ്ത്രക്രിയയല്ലാതെ മറ്റ് വഴികളില്ലെന്ന് ഡോക്ടര്‍മാര്‍ അറിയിച്ചതായി താരം എക്സില്‍ കുറിച്ചു. 17-ാം തീയതി മുംബൈയില്‍ താരം ശസ്ത്രക്രിയക്ക് വിധേയയാകും. 2018 ജക്കാര്‍ത്ത ഏഷ്യന്‍ ഗെയിംസിലെ സ്വര്‍ണ മെഡല്‍ ജേതാവാണ് വിനേഷ്.
also read- പത്തനാപുരത്ത് യുവതിയുടെ കഴുത്തറുത്ത് കൊലപ്പെടുത്താന്‍ ശ്രമം, ഭർത്താവ് അറസ്റ്റില്‍
നേരത്തേ ബജ്‌റംഗ് പൂനിയയ്ക്കും വിനേഷ് ഫോഗട്ടിനും ഏഷ്യന്‍ ഗെയിംസിലേക്ക് നേരിട്ട് യോഗ്യത നല്‍കിയ ഇന്ത്യന്‍ ഗുസ്തി ഫെഡറേഷന്റെ (ഡബ്ല്യുഎഫ്‌ഐ) തീരുമാനം ഏറെ വിമര്‍ശനങ്ങള്‍ക്ക് കാരണമായിരുന്നു. ഫെഡറേഷന്റെ അഡ്-ഹോക്ക് പാനലാണ് ഇക്കാര്യം തീരുമാനിച്ചത്. ദേശീയ ടീമിന്റെ പരിശീലകരോട് അനുവാദം ചോദിക്കാതെയാണ് അഡ്-ഹോക്ക് കമ്മിറ്റി തീരുമാനമെടുത്തതെന്നായിരുന്നു ആരോപണം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
