‘ഇവിടെ വിഷയം ചിത്രയും സൂരജും അല്ല, അവകാശം മനസ്സിലാവാത്ത കുറേ ഫാൻസുകാരാണ്’; സൂരജിന് പിന്തുണയുമായി ‘ബല്ലാത്ത പഹയൻ’

കെ എസ് ചിത്രയുടെ അയോധ്യ പരാമർശത്തെ രാഷ്ട്രീയപരമായി വിമർശിച്ച ഗായകൻ സൂരജ് സന്തോഷിനെതിരെ വൻ സൈബർ ആക്രമണമാണ് ഉണ്ടായത്. ഇതേതുടർന്ന് നിരവധിയാളുകൾ സൂരജിനെ പിന്തുണച്ച് രംഗത്തെത്തിയത്. ഇപ്പോഴിതാ സൂരജിനെ പിന്തുണച്ചതിന്റെ പേരിൽ തനിക്കെതിരെ വരുന്ന മോശം കമന്റുകൾക്ക് മറുപടി നൽകിയിരിക്കുകയാണ് ബല്ലാത്ത പഹയൻ എന്ന പേരിൽ സോഷ്യൽമീഡിയയിൽ അറിയപ്പെടുന്ന വിനോദ് നാരായൺ.

ALSO READ: ഒറ്റ കിക്കിൽ 6 കോടി വ്യൂസ്; മുഹമ്മദ് റിസ്‍വാന്റെ പുതിയ വീഡിയോയും വൈറൽ

നിങ്ങൾ ചിത്രയുടെ കൂടെ നിൽക്കുമ്പോൾ ഇവിടെ ഇപ്പോൾ ഞാൻ സൂരജിന്റെ കൂടെ നിൽക്കുന്നു, അതെന്റെ അവകാശം എന്നാണ് വിനോദ് നാരായൺ തന്റെ പേജിൽ പങ്കുവെച്ച കുറിപ്പിൽ വ്യക്തമാക്കുന്നത്. ചിത്രയുടെ പാട്ടൊന്നും കേൾക്കില്ലെങ്കിലും ഈ വിഷയത്തിൽ ചിലർ ചിത്രയുടെ കൂടെ നിൽക്കുമെന്നും അത് അവരുടെ കാര്യമെന്നും അത്തരം രാഷ്ട്രീയത്തോട് തനിക്ക് എതിർപ്പാണ് എന്നുമാണ് വിനോദ് നാരായൺ പറഞ്ഞത്. ചിത്രക്ക് ചിന്തിക്കാനും പറയാനും ഒന്നും അവകാശം ഇല്ലെന്ന് സൂരജ് പറഞ്ഞില്ലെന്നും വിനോദ് നാരായൺ കുറിച്ചു.

മനുഷ്യരെ കയറി അമ്മയും ചേച്ചിയും ഏട്ടനും ഇക്കയും ഗുരുവും ഒക്കെയാക്കിയാൽ അവരുടെ അവകാശത്തിന് കൂടുതൽ വിലയൊന്നും കിട്ടില്ല എന്നാണ് വിനോദ് നാരായൺ പറയുന്നത് .
ഇവിടെ വിഷയം ചിത്രയും സൂരജും പോലും അല്ല എന്നും അവകാശം മനസ്സിലാവാത്ത കുറേ ഫാനോളികളാണ് എന്നുമാണ് വിനോദ് നാരായൺ തന്റെ പോസ്റ്റിൽ വ്യക്തമാക്കുന്നത്.

ALSO READ: ‘പിന്നില്‍ നിന്ന് കുത്തിയ കോണ്‍ഗ്രസ് നേതാക്കള്‍ ഇവരൊക്കെയാണ്’; കെ.എം.മാണിയുടെ ആത്മകഥ പുറത്തിറക്കുന്നു

വിനോദ് നാരായന്റെ ഫേസ്ബുക് പോസ്റ്റ്

അതിനോട് യോജിക്കാനും വിയോജിക്കാനും നമ്മൾക്കും അവകാശം ഉണ്ടെന്ന് തന്നെ

ചിത്രക്ക് അങ്ങനെ ചിന്തിക്കാനും പറയാനും ഒന്നും അവകാശം ഇല്ലെന്ന് സൂരജ് പറഞ്ഞും ഇല്ല…. നിങ്ങൾ ചിന്തിച്ചു കളയല്ലേ