ഇന്ന് മലപ്പുറത്ത നിന്നും പുറത്ത് വന്ന ഒരു വീഡിയോ ഏറെ വൈറലായിരുന്നു. കുഞ്ഞനുജനെ ആക്രമിച്ച തെരുവ് നായയെ നേരിട്ട ഒരു ചേട്ടൻ്റെ വീഡിയോ. വീടിൻ്റെ മുറ്റത്ത് കളിച്ചുകൊണ്ടിരിക്കുകയായിരുന്ന അനുജനെ തെരുവ് നായ ആക്രമിച്ചപ്പോൾ വീടിൻ്റെ രണ്ടാം നിലയിൽ നിന്നും ചാടിയിറങ്ങി അനിയനെ സാഹസികമായി രക്ഷിക്കുകയായിരുന്നു ചേട്ടൻ.
ചേട്ടനല്ലാതെ മറ്റാര് എന്നതടക്കമുള്ള നിരവധി കമൻ്റുകളാണ് പ്രചരിക്കുന്ന വീഡിയോകൾക്ക് താഴെ വരുന്നത്. വീടിൻ്റെ സി സി ടി വിയിൽ പതിഞ്ഞ ദൃശ്യമാണ് പ്രചരിക്കുന്നത്. നായയെ ഓടിക്കുകയും പിന്നീട് നായ തിരിച്ച് വരുകയും ചേട്ടനെ ആക്രമിക്കുകയുമായിരുന്നു.
Also read: സമയത്തെ ചൊല്ലി തർക്കം; കോഴിക്കോട് വീണ്ടും സ്വകാര്യ ബസുകൾ കൂട്ടിയിടിപ്പിച്ചു
എന്നാലും വിട്ടുകൊടുക്കാതെ നായയുമായി ചേട്ടൻ ഏറ്റുമുട്ടുന്നതും വീഡിയോയിൽ കാണാം. പിന്നീട് റോഡിൽ ഇറങ്ങിയ നായ മറ്റൊരാളേയും ആക്രമിക്കുകയായിരുന്നു. വീഡിയോ വൈറലായതോടെ ചേട്ടന് നിരവധി പേരുടെ അഭിനന്ദനങ്ങളാണ് വരുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
