വിഷു ഒക്കെ അല്ലെ. സദ്യക്ക് ഒരു കിടിലൻ പായസം ഉണ്ടാക്കിയാലോ, അതും എളുപ്പത്തിൽ. പാലട വരെ മാറി നിൽക്കും. ഏറെ രുചികരമായി വീട്ടിൽ അവൽ പായസം എങ്ങനെ ഉണ്ടാക്കാമെന്ന് നോക്കാം. വളരെ എളുപ്പമാണ്. സാധാരണ പായസം ഉണ്ടാക്കുന്നതിനേക്കാൾ വളരെ എളുപ്പമാണ്.
ആവശ്യ സാധനങ്ങൾ:
വെള്ള അവൽ – ഒരു കപ്പ്
നെയ്യ് – രണ്ടു ചെറിയ സ്പൂൺ
പാൽ – രണ്ടു കപ്പ്
നുറുക്കു പച്ചരി – രണ്ടു ചെറിയ സ്പൂൺ
പാൽ – നാലു കപ്പ്
കണ്ടൻസ്ഡ് മിൽക്ക് – ഒരു ടിന്നിന്റെ പകുതി
പഞ്ചസാര – അരക്കപ്പ്
ഏലയ്ക്കാപ്പൊടി – അര ചെറിയ സ്പൂൺ
Also read: വിഷു ഒരുക്കങ്ങളിലാണോ ? സ്പെഷ്യലായി പുഴുക്ക് ഉണ്ടാക്കിയാലോ ?
പാകം ചെയ്യുന്ന വിധം:
അവൽ നെയ്യിൽ മൂപ്പിച്ചു കരുകരുപ്പാക്കി വയ്ക്കണം. രണ്ടു കപ്പ് പാൽ തിളപ്പിച്ച് അരി ചേർത്തു വേവിക്കുക. അരി വെന്ത ശേഷം കണ്ടൻസ്ഡ് മിൽക്കും പഞ്ചസാരയും ചേർത്ത് അടിപിടിക്കാതെ നന്നായി ഇളക്കുക.
പായസം വറ്റി പകുതിയാകുമ്പോൾ ഏലയ്ക്ക പൊടിച്ചതും ചേർത്തു വാങ്ങിവയ്ക്കുക. ചൂടാറിത്തുടങ്ങി, ഇളം ചൂടുള്ളപ്പോൾ അവൽ മൂപ്പിച്ചതു ചേർത്തിളക്കി ഉടൻ വിളമ്പാം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
