ഓപ്പറേഷന് സിന്ദൂറിന്റെ പുതിയ വീഡിയോ പങ്കുവെച്ച് ഇന്ത്യന് ആര്മിയുടെ വെസ്റ്റേണ് കമാന്ഡ്. എക്സില് ആണ് 54 സെക്കൻഡ് വരുന്ന വീഡിയോ പുറത്തുവിട്ടത്. ‘ആസൂത്രണം ചെയ്തു, പരിശീലനം നല്കി, നടപ്പിലാക്കി. നീതി നടപ്പാക്കി’ എന്നീ അടിക്കുറിപ്പുകളോടെയാണ് വീഡിയോയുള്ളത്. ഓപ്പറേഷൻ സിന്ദൂറിൽ വെസ്റ്റേൺ കമാൻഡിന്റെ പങ്ക് ഉൾക്കൊള്ളിച്ച വീഡിയോയാണിത്.
സൈനിക ഉദ്യോഗസ്ഥരും സൈനികരും ആത്മവിശ്വാസത്തോടെ ഓപ്പറേഷന് സിന്ദൂരിന്റെ വിജയം വിവരിക്കുന്നത് വീഡിയോയിലുണ്ട്. പ്രതികാരമല്ല, നീതി നടപ്പാക്കണമായിരുന്നുവെന്ന് അവര് വീഡിയോയില് പറയുന്നത് കാണാം. പഹല്ഗാം ഭീകരാക്രമണത്തോടെയാണ് ആരംഭം. നിരപരാധികളുടെ കൊലപാതകങ്ങള്ക്ക് മറുപടി നൽകാനുള്ള ആഗ്രഹമായിരുന്നു ഓപ്പറേഷൻ. ഭാവി തലമുറകള്ക്ക് മറക്കാന് കഴിയാത്ത പാഠം പാകിസ്ഥാനെ പഠിപ്പിച്ചു. ഞങ്ങളുടെ പോസ്റ്റുകളില് വെടിവയ്പ്പ് നടത്തിയ പാകിസ്ഥാന് സൈന്യത്തിന്റെ പിക്കറ്റുകള് പൂര്ണമായും നശിപ്പിച്ചു. ശത്രുപക്ഷത്തെ സൈനികര് സ്വന്തം പോസ്റ്റുകള് ഉപേക്ഷിച്ച് ജീവനും കൊണ്ടോടി. പതിറ്റാണ്ടുകളായി പാകിസ്ഥാന് പഠിക്കാത്ത ഒരു പാഠമായിരുന്നു ഓപ്പറേഷന് സിന്ദൂര് എന്നും സൈനികർ പറയുന്നതായി വീഡിയോയിലുണ്ട്.
Read Also: ഓപ്പറേഷന് സിന്ദൂര് സംബന്ധിച്ച പോസ്റ്റ്; അശോക യൂണിവേഴ്സിറ്റി പ്രൊഫസര് അറസ്റ്റില്
കഴിഞ്ഞ ദിവസം വെസ്റ്റേണ് കമാന്ഡിന്റെ കമാന്ഡര് ലെഫ്. ജനറല് മനോജ് കുമാര് കത്യാര് ജമ്മു മേഖലയിലെ അന്താരാഷ്ട്ര അതിര്ത്തിയിലെ സ്ഥലങ്ങള് സന്ദര്ശിച്ചിരുന്നു. സൈനികരെ അദ്ദേഹം പ്രശംസിക്കുകയും ചെയ്തിരുന്നു. വീഡിയോ കാണാം:
#StrongAndCapable#OpSindoor
— Western Command – Indian Army (@westerncomd_IA) May 18, 2025
Planned, trained & executed.
Justice served.@adgpi@prodefencechan1 pic.twitter.com/Hx42p0nnon
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
