157 എണ്ണം വിറ്റപ്പോൾ കിട്ടിയത് ഒന്നരക്കോടി രൂപ, പൊന്നുവിലയുള്ള മത്സ്യം ഏതാണെന്നറിയാമോ

ലോകത്തെ ഏറ്റവും വിലയേറിയ മത്സ്യം ഏതാണെന്നറിയാമോ. ഗുജറാത്തിന്റെ സംസ്ഥാന മത്സ്യം എന്നറിയപ്പെടുന്ന ഗോലാണ് വിലയേറിയ മത്സ്യം എന്നറിയപ്പെടുന്നത്. ഇന്ത്യയുടെ പടിഞ്ഞാറൻ തീരത്തിനടുത്താണ് ഇവ കൂടുതലും കാണപ്പെടാറുള്ളത്. വൻ തുകയ്ക്ക് വിൽക്കുന്ന ഈ മത്സ്യത്തെ സാധാരണയായി സീ ഗോൾഡ് എന്നാണ് വിളിക്കുന്നത്. അടുത്തിടെ പുറത്തുവന്ന റിപ്പോർട്ടുകളനുസരിച്ച് മത്സ്യത്തൊഴിലാളികൾ 157 ഗോലുകളെ ഒന്നരക്കോടി രൂപയ്ക്ക് വിറ്റെന്നാണ്.

തിളങ്ങുന്ന സ്വർണ്ണ-തവിട്ട് നിറമുള്ള ശരീരമാണ് ഗോലുകൾക്കുള്ളത്. മഹാരാഷ്ട്രയ്ക്കും ഗുജറാത്തിനും സമീപമുള്ള അറബിക്കടലിലാണ് ഈ അപൂർവ മത്സ്യം കാണപ്പെടുന്നത്. ചിലത് ഇന്തോ-പസഫിക് ജലാശയങ്ങളിലും കാണപ്പെടുന്നു. വളർന്ന ഗോൾ മത്സ്യത്തിന് ഏകദേശം 1.5 മീറ്റർ നീളവും 20-35 കിലോഗ്രാം ഭാരവുമുണ്ടാകും. ഭീമൻ മത്സ്യങ്ങൾക്ക് 300 കിലോഗ്രാം വരെ ഭാരമുണ്ടാകും.ചൈന, ജപ്പാൻ, സിംഗപ്പൂർ തുടങ്ങിയ രാജ്യങ്ങളിലാണ് ഈ മത്സ്യം വിൽക്കുന്നത്. മത്സ്യമാംസം ഫ്രീസുചെയ്ത് മറ്റ് രാജ്യങ്ങളിലേക്ക് കയറ്റുമതി ചെയ്യുന്നുണ്ട്.

also read:957 രൂപയ്ക്ക് വിമാനയാത്ര; ഏറെ നാളത്തെ മോഹം ഇനി പൂവണിയും

സാധാരണയായി ഗോൾ മത്സ്യത്തെ അധികമായി കാണപ്പെടാറില്ല. ഇവ വലിയ ആഴത്തിലാണ് സഞ്ചരിക്കുന്നത്. ദേശാടനം ചെയ്യുന്ന സമയങ്ങളിൽ മാത്രമേ ഗോലുകളെ തീരത്തിനടുത്ത് കാണാൻ സാധിക്കുള്ളൂ. ഈ മത്സ്യത്തിൽ ധാരാളം ഒമേഗ-3 ഉം ഡിഎച്ച്എയും അടങ്ങിയിട്ടുണ്ട്. ഇവ തലച്ചോറിനെ നന്നായി ചിന്തിക്കാനും പഠിക്കാനും സഹായിക്കുന്നു.

ഗോൽ മത്സ്യം കഴിച്ചാലുണ്ടാകുന്ന ആരോഗ്യഗുണങ്ങൾ

•  നല്ല കാഴ്ചശക്തിയെ പിന്തുണയ്ക്കുന്ന വിറ്റാമിനുകളും ധാതുക്കളും മത്സ്യത്തിൽ അടങ്ങിയിട്ടുണ്ട്.
• ചർമ്മത്തെ മിനുസമാർന്നതും ആരോഗ്യകരവുമായി നിലനിർത്താൻ സഹായിക്കുന്ന കൊളാജൻ ഇതിൽ അടങ്ങിയിട്ടുണ്ട്.
• ശരീരത്തെ ശക്തമായി നിലനിർത്താൻ സഹായിക്കുന്ന ഇരുമ്പ്, അയഡിൻ, മഗ്നീഷ്യം, സെലിനിയം, ടോറിൻ എന്നിവയും ഇതിൽ അടങ്ങിയിട്ടുണ്ട്.
•  കുട്ടികളുടെ വളർച്ചയ്ക്കും ശരീരബലം വർദ്ധിപ്പിക്കുന്നതിനും സഹായിക്കുന്ന പ്രോട്ടീൻ ഇതിൽ ധാരാളമായി അടങ്ങിയിട്ടുണ്ട്.
• ഒമേഗ-3 കൊഴുപ്പുകൾ ഹൃദയത്തെ ആരോഗ്യകരമായി നിലനിർത്താൻ സഹായിച്ചേക്കാം.
• മത്സ്യത്തിന്റെ ഭാഗങ്ങൾ മരുന്നുകളിലും ശസ്ത്രക്രിയാ ഉൽപ്പന്നങ്ങളിലും ഉപയോഗിക്കുന്നു.
• മത്സ്യത്തിൽ നിന്നുള്ള കൊളാജൻ ക്രീമുകളിലും ചർമ്മസംരക്ഷണ ഉൽപ്പന്നങ്ങളിലും ചേർക്കുന്നു.