വീണ്ടും കാട്ടുപോത്ത് ആക്രമണം; ടാപ്പിംഗ് തൊഴിലാളിക്ക് പരുക്ക്

കട്ടിപ്പാറയിൽ കാട്ടുപോത്തിൻ്റെ ആക്രമണത്തിൽ ടാപ്പിംഗ് തൊഴിലാളിക്ക് പരുക്ക്

. താമരശ്ശേരി കട്ടിപാറ അമരാട് മല സ്വദേശി റിജേഷിനാണ് പരുക്കേറ്റത്. പരുക്ക് ഗുരുതരമല്ല.

ALSO READ: അരിക്കൊമ്പനെ മയക്കുവെടി വെക്കും; തയ്യാറെടുത്ത് തമിഴ്നാട് വനംവകുപ്പ്

സംസാരശേഷിയില്ലാത്ത റിജേഷ് രാവിലെ എട്ട് മണിയോടെ പിതാവിനൊപ്പം റബർ ടാപ്പിംങ് നടത്തുകയായിരുന്നു. ഈ സമയത്താണ് കാട്ടുപോത്തിൻ്റെ കുത്തേറ്റത്. തലയ്ക്കും വയറിനുമാണ് പരുക്കേറ്റത്. റിജേഷിനെ താമരശ്ശേരി താലൂക്ക് ആശുപത്രിയിൽ എത്തിച്ച് പ്രാഥമിക ചികിത്സ നൽകി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.