- അശ്വതി രമേശ്
ലോക വന്യ ജീവി ദിനം.. പ്രകൃതിയെന്ന വിസ്മയ ലോകവും വൈവിധ്യമാര്ന്ന സസ്യ-ജീവിസമ്പത്തും സംരക്ഷിക്കണമെന്ന് ലോകത്തെ ഓര്മപ്പെടുത്തുന്ന ദിനമാണ് ലോക വന്യജീവി ദിനം. എന്നാല് ഇന്ന് നമ്മള് നേരിടുന്ന വെല്ലുവിളി മനുഷ്യനും വന്യ ജീവികള്ക്കും ഇടയിലുള്ള സംഘര്ഷമാണ്.
ഒരു മില്ലിമീറ്ററിന്റെ പത്തുലക്ഷത്തിലൊന്നു വലുപ്പമുള്ള മൈക്കോപ്ലാസ്മ മുതല് ഭൂമിയിലെ ഏറ്റവും വലിയ ജീവിയായ നീലത്തിമിംഗലം വരെയുള്ള ചെറുതും വലുതുമായ എല്ലാ ജീവികളും വന്യ ജീവികളാണ്.
മൃഗങ്ങള് മനുഷ്യരുടെ ഉപജീവനത്തിനോ സുരക്ഷയ്ക്കോ നേരിട്ടുള്ളതും ആവര്ത്തിച്ചുള്ളതുമായ ഭീഷണി ഉയര്ത്തുമ്പോഴാണ് വന്യജീവി മനുഷ്യ സംഘര്ഷം സംഭവിക്കുന്നത്. ഇന്ന് ഇത് കൂടുതല് പതിവായി, ഗൗരവമുള്ളതും വ്യാപകവുമായ ഒന്നായി മാറുകയും സംരക്ഷണത്തിനും വികസനത്തിനും ഒരുപോലെ ആഗോളതലത്തില് ആശങ്കാജനകമാവുകയും ചെയ്യുന്നുണ്ട്.
എന്നാല് രാജ്യത്ത് വന്യജീവി ആക്രമണങ്ങളില് മരണം പെരുകുമ്പോഴും കാലഹരണപ്പെട്ട വന്യജീവി സംരക്ഷണ നിയമം ഭേദഗതി ചെയ്യില്ലെന്ന പിടിവാശിയിലാണ് മോദിസര്ക്കാര്… 1972ലെ നിയമം ഭേദഗതി ചെയ്യണമെന്ന ആവശ്യം കേരളത്തില് നിന്നുള്ള ഇടതുപക്ഷ എംപിമാര് തുടര്ച്ചയായി പാര്ലമെന്റില് ആവശ്യപ്പെട്ടിട്ടും നിലപാടുമാറ്റത്തിന് കേന്ദ്രം തയ്യാറാകുന്നില്ല.
അതേസമയം കടുത്ത കേന്ദ്ര അവഗണനയിലും സംസ്ഥാനത്ത് മനുഷ്യ–വന്യജീവി സംഘര്ഷം ഒഴിവാക്കാന് 10 മിഷനുകള്ക്ക് വനം വകുപ്പ് രൂപം നല്കിയിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
