കാനഡയിൽ ഇന്ത്യന് തൊഴിലാളിയോട് വംശീയ അധിക്ഷേപം നടത്തി തദ്ദേശീയൻ. ഓക്ക്വില്ലെയിലെ മക്ഡൊണാള്ഡ് ഔട്ട്ലെറ്റില് ആണ് സംഭവം. മോശം ഭാഷ ഉപയോഗിച്ചാണ് ഇയാൾ വംശീയ അധിക്ഷേപം നടത്തിയത്. ഇതിൻ്റെ ദൃശ്യങ്ങള് സോഷ്യൽ മീഡിയയിൽ പ്രചരിക്കുന്നുണ്ട്.
‘സ്വന്തം രാജ്യത്തേക്ക് മടങ്ങിപ്പോകൂ, ഭ്രാന്തന് ഇന്ത്യക്കാരന്’ എന്ന് പറഞ്ഞുകൊണ്ടായിരുന്നു അട്ടഹാസം. തൊഴിലാളിയെ അപമാനിക്കുന്ന വാക്കുകള് വീഡിയോയില് കേൾക്കാം. ഒരു വനിത അയാളെ എതിര്ത്തപ്പോള് അയാള് കൂടുതൽ ആക്രമണകാരിയായി മാറി. മാത്രമല്ല അധിക്ഷേപം ആവര്ത്തിക്കുകയും ചെയ്തു.
Read Also: യുകെയിൽ ഇന്ത്യൻ വംശജയായ 20 കാരിക്ക് പീഡനം; വംശീയ ആക്രമണമെന്ന് പൊലീസ്
സംഭവത്തോട് സോഷ്യല് മീഡിയ ഉപയോക്താക്കള് ശക്തമായി പ്രതികരിച്ചു. ഈ സംഭവം കാനഡയിൽ വര്ധിച്ചുവരുന്ന വംശീയ സംഭവങ്ങളെ കുറിച്ചുള്ള ഓണ്ലൈന് ചര്ച്ചയ്ക്ക് തുടക്കമിട്ടു. ഇത് ഭയങ്കരമാണ്, ഇത് തന്റെ ജന്മനാടാണെന്നും നമ്മുടെ സമൂഹത്തില് ഇതിന് സ്ഥാനമില്ലെന്നും ഒരാൾ പ്രതികരിച്ചു. ഇക്കാര്യത്തിൽ എല്ലാവരും ലജ്ജിക്കുന്നുവെന്നും അവര്ക്കെതിരെ നിലകൊള്ളുമെന്നും ഇയാൾ കമൻ്റിൽ കൂട്ടിച്ചേർത്തു. വീഡിയോ കാണാം:
Rascism Against Indian Origin girl's in Oakville, Canada..🇮🇳🇨🇦 pic.twitter.com/X6Vi0tELoT
— THE UNKNOWN MAN (@Theunk13) October 27, 2025
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
