നുണകൾ കൊണ്ട് ലതുപക്ഷ മാധ്യമങ്ങൾ കെട്ടിപൊക്കിയ കോട്ടകൾ തകർത്ത് എസ് എഫ് ഐ ക്ക് സർവകലാശാല തെരഞ്ഞെടുപ്പുകളിലിൽ തകർപ്പൻ വിജയം. വയനാട് പൂക്കോട് വെറ്ററിനറി കോളേജിൽ നുണകളുടെ പെരുമഴ പെയ്യിച്ചിട്ടും അവിടെ മുഴുവൻ സീറ്റിലും എസ് എഫ് ഐയാണ് വിജയം നേടിയത്. ശെരിക്കൊപ്പം നിലയുറപ്പിക്കാൻ വിദ്യാർത്ഥികൾ തീരുമാനമെടുക്കുകയായിരുന്നു. എസ് എഫ് ഐ നേടിയ വിജയം വ്യാജപ്രചരണങ്ങൾക്കെതിരെയുള്ള പ്രതിരോധം കൂടിയാണെന്ന് എസ് എഫ് ഐ സംസ്ഥാന സെക്രട്ടറി പി എം ആർഷോ ഫേസ്ബുക്കിൽ കുറിച്ചു.
സെമിക്കോൺ രംഗത്തെ തൊഴിൽ നൈപുണ്യ വികസനത്തിന്
നുണ കൊണ്ട് ഗോപുരം പണിത് എക്കാലവും അതിന്റെ മട്ടുപ്പാവിലിരുന്ന് കുഴലൂത്ത് സാധ്യമോ ?
സാധ്യമാകില്ല !
സാധ്യമല്ലെന്ന് നുണപ്രചാരകരായ കുഴലൂത്ത് സംഘത്തിന് ബോധ്യമാകുമോ ?
ബോധ്യമാകില്ല !
ബോധ്യമാകില്ലെങ്കിലും കേട്ടുകൊള്ളുക, അറിഞ്ഞുകൊള്ളുക,
നുണയുടെ പേമാരി പെയ്യിച്ചു നിങ്ങൾ എസ് എഫ് ഐ ക്ക് ചരമഗീതമെഴുതാൻ ആഴ്ച്ചകളോളം കാത്തുകെട്ടിക്കിടന്ന വയനാട് പൂക്കോട് വെറ്ററിനറി കോളേജിൽ ഇന്ന് തെരഞ്ഞെടുപ്പായിരുന്നു. നിങ്ങളുടെ നുണപ്പെയ്ത്തിന് ശേഷം നടക്കുന്ന പൂക്കോട്ടെ ആദ്യ കോളേജ് യൂണിയൻ തെരഞ്ഞെടുപ്പ്.
മുഴുവൻ സീറ്റിലും എസ് എഫ് ഐ മതി തങ്ങളെ നയിക്കാൻ എന്ന് വിദ്യാർത്ഥികൾ നിശ്ചയിച്ചു.
അവസാനത്തെ വിദ്യാർത്ഥിയും എസ് എഫ് ഐ ക്കൊപ്പം, ശെരിക്കൊപ്പം നിലയുറപ്പിച്ചു.
ആഴ്ച്ചകളോളം പ്രൈം ടൈം മാറ്റിവെച്ച ദൃശ്യ മാധ്യമങ്ങൾ 30 സെക്കന്റോ, ദിവസങ്ങളോളം എഡിറ്റൊറിയൽ പേജ് നിറച്ച പത്രമാധ്യമങ്ങൾ അരകോളമെങ്കിലുമോ ഈ വാർത്തയ്ക്കായ് മാറ്റിവെക്കില്ലെന്നുറപ്പുണ്ട്.
പക്ഷെ നിങ്ങളറിയണം ജീവൻ പോയാലും നിങ്ങളോട് സമരസപ്പെടില്ലെന്ന് തീർച്ചപ്പെടുത്തിയ, നിങ്ങളുടെ പെരുംനുണകളെ പ്രതിരോധിക്കാൻ കരുത്തിരട്ടിപ്പിച്ച് കാത്തിരിക്കുന്ന രാഷ്ട്രീയ ജീവികളുള്ള ഇടങ്ങളാണ് കേരളത്തിന്റെ കലാലയങ്ങൾ.
സോ,
നിങ്ങൾ ആക്രമണം തുടരുക…
ഞങ്ങൾ പ്രതിരോധവും.
പൂക്കോട്ടെ പോരാളികൾക്ക് അഭിവാദ്യങ്ങൾ
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
