കുളിമുറിയോ ടോയ്‌ലറ്റോ അല്ല; ഹോട്ടൽമുറിയിലെ ഏത് ഭാഗത്താണ് കൂടുതൽ രോഗാണുക്കൾ ഉള്ളത്?

ജോലിസംബന്ധമായ ആവശ്യങ്ങൾക്കും യാത്രകൾക്കും പോകുമ്പോൾ ഹോട്ടൽമുറിയിൽ തങ്ങേണ്ട അവസരം പലർക്കും ഉണ്ടാകാറുണ്ട്. ചെക്ക് ഇൻ ചെയ്യുന്ന സമയത്ത് വൃത്തിയുള്ള രീതിയിലായിരിക്കും പല ഹോട്ടലുകളും മുറികൾ ഒരുക്കിയിരിക്കുന്നത്. എന്നാൽ പുറമേ കാണുന്ന തരത്തിൽ മുറിയിലെ എല്ലാ ഭാഗവും രോഗാണു മുക്തമാണെന്ന് നിങ്ങൾക്ക് ഉറപ്പിക്കാനാകുമോ.

പലരും കുളിമുറിയിലും ടോയ്‌ലറ്റിലുമായിരിക്കും കൂടുതൽ രോഗാണുക്കൾ ഉണ്ടെന്ന് ചിന്തിക്കുന്നത്. ശരിക്കും അവിടങ്ങളിൽ ആയിരിക്കില്ല രോഗാണുക്കൾ കൂടുതൽ അടങ്ങിയിരിക്കുന്നത്. ഹോട്ടൽ മുറിയിൽ രോഗാണുക്കൾ കൂടുതലായി അടങ്ങിയിരിക്കാൻ സാധ്യതയുള്ള സ്ഥലങ്ങൾ ഏതൊക്കെയാണെന്ന് പരിശോധിക്കാം.

also read: രണ്ട് മണിക്കൂർ നേരത്തെ ആശുപത്രിവാസം ഇനി സൗജന്യം; എന്താണ് ട്രെൻഡിംഗായ ഷോർട്ട് ടേം ഹെൽത്ത് ഇൻഷുറൻസ്

ടിവി റിമോട്ട് കൺട്രോൾ: ഹോട്ടൽ മുറികളിലെ ഏറ്റവും കൂടുതൽ രോഗാണുക്കൾ കാണപ്പെടാൻ സാധ്യതയുള്ള ഒരു വസ്തുവാണ് ടിവി റിമോട്ട്. മിക്കവാറും എല്ലാ അതിഥികളും ഇത് കൈകാര്യം ചെയ്യുന്നുണ്ടെങ്കിലും താമസത്തിനിടയിൽ എല്ലായ്പ്പോഴും നന്നായി അണുവിമുക്തമാക്കാറില്ല.

ലൈറ്റ് സ്വിച്ചുകൾ: അതിഥികൾ ഒരു മുറിയിൽ പ്രവേശിക്കുന്ന നിമിഷം മുതൽ, അവർ ലൈറ്റ് സ്വിച്ചുകളിൽ സ്പർശിക്കുന്നു. അവ ഉയർന്ന സ്പർശന സാധ്യതയുള്ള പ്രതലങ്ങളായതിനാൽ, പതിവായി വൃത്തിയാക്കിയില്ലെങ്കിൽ ബാക്ടീരിയകളും വൈറസുകളും കൂടുതലുണ്ടാകാൻ സാധ്യതയുണ്ട്.

കോഫി മേക്കർ അല്ലെങ്കിൽ കെറ്റിൽ: ചില ഹൗസ് കീപ്പിംഗ് വിദഗ്ധർ കെറ്റിൽ അല്ലെങ്കിൽ കോഫി മേക്കർ ഉപയോഗിക്കുന്നതിന് മുമ്പ് കഴുകിക്കളയാൻ ശുപാർശ ചെയ്യുന്നുണ്ട്.

ഹാൻഡിലുകൾ: പ്രധാന വാതിലായാലും, കുളിമുറി വാതിലായാലും, വാർഡ്രോബ് ഹാൻഡിലായാലും, ഓരോ താമസത്തിനിടയിലും ഈ പ്രതലങ്ങളിൽ ഡസൻ കണക്കിന് തവണ സ്പർശിക്കപ്പെടുന്നു. ഇവിടെയും രോഗാണുക്കൾ കൂടുതൽ ഉണ്ടാകാൻ സാധ്യതയുണ്ട്.