ന്യൂയോർക്കിൽ പിസ ഡെലിവറി നടത്തുന്നതിനിടയിൽ പഞ്ചാബ് സ്വദേശിയായ യുവാവ് വെടിയേറ്റ് മരിച്ചു. പഞ്ചാബിലെ കപുർത്തല ജില്ലയിലെ ജബ്ബോവാൽ ഗ്രാമത്തിൽ നിന്നുള്ള ഗുരുദീപ് സിങ് (28) ആണ് കൊല്ലപ്പെട്ടത്. പ്രാദേശിക റിപ്പോർട്ടുകൾ പ്രകാരം, കവർച്ചാ ശ്രമത്തിനിടയിൽ അജ്ഞാതനായ അക്രമി ഗുരുദീപിന് നേരെ വെടിയുതിർക്കുകയായിരുന്നു. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.
ഏകദേശം 13 വർഷങ്ങൾക്ക് മുമ്പാണ് ഗുരുദീപ് അമേരിക്കയിലെത്തിയത്. കുടുംബത്തെ സഹായിക്കാനും മാതാപിതാക്കൾക്ക് മെച്ചപ്പെട്ട ജീവിതം ഉറപ്പാക്കാനുമായി വായ്പയെടുത്താണ് ഗുരുദീപ് അമേരിക്കയിലേക്ക് പോയതെന്ന് പിതാവ് പ്യാരാ ലാൽ പറഞ്ഞു.
Also Read: കാനഡയ്ക്ക് മേൽ 50% തീരുവ ചുമത്തി അമേരിക്ക; വ്യാപാര യുദ്ധമെന്ന് മാർക്ക് കാർണി
ഗുരുദീപിൻ്റെ മൃതദേഹം എത്രയും പെട്ടെന്ന് നാട്ടിലെത്തിക്കാൻ പഞ്ചാബ് സർക്കാരും കേന്ദ്ര സർക്കാരും ഇടപെടണമെന്ന് കുടുംബം അഭ്യർത്ഥിച്ചു. കൂടാതെ, കുറ്റവാളികളെ ഉടൻ പിടികൂടി നിയമത്തിന് മുന്നിൽ കൊണ്ടുവരാൻ യു എസ് അധികാരികളും തയ്യാറാകണമെന്ന് കുടുംബാംഗങ്ങൾ ആവശ്യപ്പെട്ടു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
