മുഖ്യമന്ത്രി വി ഡി സതീശൻ തന്റെ സ്വകാര്യ യാത്രയ്ക്കായി സർക്കാർ വാടകയ്ക്കെടുത്ത ഹെലികോപ്റ്റർ ഉപയോഗിച്ചതിനെതിരെ വലിയ വിമർശനങ്ങളാണ് ഉയർന്ന് വരുന്നത്. നിരവധി പേർ വി ഡി സതീശൻ്റെ നടപടിക്കെതിരെ രംഗത്ത് വന്നു. അസുഖ ബാധിതനായ ഭാര്യാ പിതാവിനെ കാണാനാണ് മുഖ്യമന്ത്രി സർക്കാർ വാടകയ്ക്കെടുത്ത ഹെലികോപ്റ്ററുമായി പറന്നത്. ഇതിനെ പരിഹസിച്ചു കൊണ്ട് വി കെ പ്രശന്തും രംഗത്തു വന്നു.
സമൂഹമാധ്യമത്തിലൂടെയായിരുന്നു അദ്ദേഹത്തിന്റെ പ്രതികരണം. മിസ്റ്റർ മരുമകൻ എന്നെഴുതിയിരിക്കുന്ന ഹെലികോപ്റ്ററിൽ പഴവർഗങ്ങളും മറ്റും കെട്ടിത്തൂക്കിയ ചിത്രമാണ് അദ്ദേഹം പങ്കുവെച്ചത്. അച്ചപ്പം കിട്ടിയില്ല തത്കാലം പോയേച്ചും വരാമെന്നാണ് ഫോട്ടോയ്ക്ക് ക്യാപ്ഷൻ നൽകിയിരിക്കുന്നത്.
എൽ ഡി എഫ് സർക്കാർ ദുരന്ത നിവാരണത്തിനും അവയവക്കൈമാറ്റത്തിനും ഉൾപ്പെടെ മുൻഗണന നൽകി ഉപയോഗപ്പെടുത്താൻ സംസ്ഥാന പൊലീസിന് വേണ്ടിയാണ് ഹെലികോപ്റ്റർ വാടകയ്ക്കെടുത്തത്. ഇതിനെതിരെ അന്ന് വലിയ വിമർശനമാണ് മുഖ്യമന്ത്രി വി ഡി സതീശനുൾപ്പെടെ നടത്തിയത്. അതേ ഹെലികോപ്റ്ററാണ് ഇപ്പോൾ മുഖ്യമന്ത്രി വി ഡി സതീശൻ സ്വകാര്യ ആവശ്യത്തിനായി ഉപയോഗിച്ചിരിക്കുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
