മരിക്കാര് എന്റര്ടെയിന്മെന്റിന്റെ ബാനറില് ഡിനോയ് പൗലോസ് തിരക്കഥ എഴുതി അഫ്സല് അബ്ദുല് ലത്തീഫ് സംവിധാനം ചെയ്യുന്ന ‘പത്രോസിന്റെ പടപ്പുകള് ‘എന്ന ചിത്രത്തിന്റെ ടൈറ്റില് പോസ്റ്റര് പുറത്തിറങ്ങി. മെഗാസ്റ്റാര് മമ്മൂട്ടിയും പൃഥ്വിരാജ് സുകുമാരനും ചേര്ന്നാണ് പോസ്റ്റര് റിലീസ് ചെയ്തത്. വൈപ്പിന്, എറണാകുളം പശ്ചാത്തലത്തില് കഥ പറയുന്ന ചിത്രത്തില് ഷറഫുദീന്, ഡിനോയ് പൗലോസ്, നസ്ലിന്, ഗ്രേസ് ആന്റണി, രഞ്ജിത മേനോന് തുടങ്ങിയവര് പ്രധാനവേഷത്തില് എത്തുന്നു. കൂടാതെ സുരേഷ് കൃഷ്ണ , ജോണി ആന്റണി, ജെയിംസ് ഏലിയാ, ഷമ്മി തിലകന് തുടങ്ങിയവരോടൊപ്പം പുതുമുഖതാരങ്ങളും ചിത്രത്തില് ഒന്നിക്കുന്നു.
തണ്ണീര്മത്തന് ദിനങ്ങള് എന്ന ഹിറ്റ് ചിത്രത്തിന് ശേഷം ഡിനോയ് പൗലോസ് തിരക്കഥ എഴുതുന്ന ചിത്രം അഫ്സല് അബ്ദുല് ലത്തീഫിന്റെ ആദ്യ സംവിധാന സംരംഭമാണ്. ജയേഷ് മോഹന് ക്യാമറയും ജേക്സ് ബിജോയ് സംഗീതവും നിര്വഹിക്കുന്നു. സംഗീത് പ്രതാപ് ആണ് എഡിറ്റിംഗ്. ചിത്രത്തിന്റെ ഷൂട്ടിംഗ് ഉടന് ആരംഭിക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here