തമിഴ്നാട്ടിലെ ശിവകാശിയിലെ പടക്കനിര്‍മാണശാലയില്‍ സ്ഫോടനം. ഇന്ത്യയിലെ പടക്കങ്ങളുടെ നഗരം എന്ന വിശേഷണമുള്ള സ്ഥലമാണ് തമിഴ്നാട്ടിലെ വിരുധുനഗര്‍ ജില്ലയിലെ ശിവകാശിയിലാണ് സ്ഫോടനമുണ്ടായത്.
ശിവകാശിയിലെ പടക്കനിര്‍മാണശാലയില്‍ ഉണ്ടായ തീപിടിത്തത്തില്‍ 6 പേര്‍ മരിച്ചു. ചൊവ്വാഴ്ച രാവിലെയാണ് ശിവകാശിയിലെ പടക്കനിര്‍മാണശാലയില്‍ സ്ഫോടനമുണ്ടായത്. ശിവകാശിക്കടുത്തുള്ള ചിന്ന കാമന്‍പട്ടിയിലെ പടക്ക നിര്‍മാണശാലയിലാണ് അപകടമുണ്ടായത്.
സഫോടനത്തെ തുടര്‍ന്ന് അഗ്നിശമന സേന സ്ഥലത്തെത്തുകയും തീയണക്കാനുള്ള നടപടികള്‍ ആരംഭിക്കുകയും ചെയ്തിരുന്നു. അപകടത്തില്‍ നിരവധി പേര്‍ക്ക് പരിക്കേറ്റതായും റിപ്പോര്‍ട്ടുകളുണ്ട്. പരിക്കേറ്റവരെ തൊട്ടടുത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്.
സ്ഫോടനത്തിന്റെ വ്യാപ്തി ഇനിയും വ്യക്തമായിട്ടില്ല. . സ്ഫോടനം നടന്ന ചിന്ന കാമന്‍പട്ടിയില്‍ നിരവധി പടക്ക നിര്‍മാണ ശാലകളാണുള്ളത്. പുറത്തുവരുന്ന വിവരങ്ങളനുസരിച്ച് സ്ഫോടനത്തെ തുടര്‍ന്ന് സ്ഥലത്ത് വന്‍ തീപിടിത്തം റിപ്പോര്‍ട്ട് ചെയ്തിട്ടുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
