എയർ പ്യൂരിഫയർ വാങ്ങാൻ പ്ലാനുണ്ടോ ? ഇക്കാര്യങ്ങൾ മനസിൽ വച്ചോളൂ; ഇല്ലെങ്കിൽ പണി കിട്ടും

വീട്ടിലുകളിലും ഓഫീസുകളിലുമെല്ലാം എയർ പ്യൂരിഫയ‍ർ സ്ഥാപിക്കുന്നത് സാധാരണയായി തീർന്നിട്ടുണ്ട്. എന്നാൽ ഏത് പ്യൂരിഫയർ വാങ്ങുമെന്ന കാര്യത്തിൽ പലർക്കും സംശയങ്ങൾ നിരവധിയാണ്. എയർ പ്യൂരിഫയർ വാങ്ങുമ്പോൾ ചില കാര്യങ്ങൾ പ്രത്യേകം ശ്രദ്ധിക്കേണ്ടതുണ്ട്. ഇല്ലെങ്കിൽ പണി കിട്ടുമെന്ന് ഉറപ്പാണ്.

ഓരോ എയർ പ്യൂരിഫയറിനും അതിന്റേതായ ശേഷിയുണ്ട്, മുറികളുടെ വലുപ്പത്തിന് അനുസരിച്ചുള്ളത് തിരഞ്ഞെടുക്കാൻ എപ്പോഴും ശ്രദ്ധിക്കണം. ഒരു ചെറിയ കിടപ്പുമുറിക്ക് വേണ്ടി നിർമ്മിച്ച ഒരു മെഷീൻ ഒരു വലിയ സ്വീകരണമുറിയിൽ ഒരിക്കലും സ്ഥാപിക്കരുത്. എയർ പ്യൂരിഫയറിന്റെ റേറ്റിം​ഗ് നോക്കി, നിങ്ങളുടെ മുറിയ്ക്ക് അനുയോജ്യമാണോയെന്ന് മനസിലാക്കി മാത്രം വാങ്ങാൻ ശ്രമിക്കുക.

also read; അത് രക്തമല്ല, പിന്നെന്ത്? ‘ബ്ലഡ് ഫോൾസ്’ നി​ഗൂഢതകൾക്ക് ഒടുവിൽ ഉത്തരമായി

എയർ പ്യൂരിഫയർ വാങ്ങുന്നതിനുമുമ്പ് നിങ്ങൾ പരിഗണിക്കേണ്ട മറ്റൊരു കാര്യം എയർ പ്യൂരിഫയറിൽ സ്ഥാപിച്ചിരിക്കുന്ന ഫിൽട്ടറാണ്. ഒരു ഇടത്തരം വീടിന് HEPA ഫിൽട്ടർ ആണ് അനുയോജ്യം. കാരണം ഇത് പൊടി, പുക എന്നീ ​ഗന്ധങ്ങൾ നിർവീര്യമാക്കാൻ സഹായിക്കും. ചില പ്യൂരിഫയറുകൾ ഒരു കാർബൺ പാളി കൂടിയുണ്ട്, ഇത് വളർത്തുമൃഗങ്ങളിൽ നിന്ന് വരുന്ന അനാവശ്യ ഗന്ധങ്ങൾ ഒഴിവാക്കാൻ സഹായിക്കുന്നു.

ഒരു പുതിയ എയർ പ്യൂരിഫയർ വാങ്ങാൻ പദ്ധതിയിടുമ്പോൾ തന്നെ മെയിന്റയിൻസ് ചെലവ് പരിശോധിക്കണം. എയർ പ്യൂരിഫയറുകളുടെ ഫിൽട്ടറുകൾ ഏതാനും മാസങ്ങൾ കൂടുമ്പോൾ മാറ്റിസ്ഥാപിക്കേണ്ടതുണ്ട്, കൂടാതെ മെയിന്റയിൻസ് ചെലവ് ഓരോ വർഷവും വർദ്ധിക്കുന്നു. ഒരു എയർ പ്യൂരിഫയറിന്റെ വില അതിന്റെ സവിശേഷതകളെ ആശ്രയിച്ചിരിക്കുന്നു.