ഉഗ്രന്‍ ഫീച്ചേഴ്‌സോടെ റിയല്‍മി 14 പ്രോ സ്മാര്‍ട്ട് ഫോണ്‍ ഇന്ത്യയില്‍; വിലയും സ്‌പെക്‌സും അറിയാം

റിയല്‍മി 14 പ്രോ സീരീസ് 5G സ്മാര്‍ട്ട്ഫോണുകള്‍ ഇന്ത്യയില്‍ പുറത്തിറക്കി. ക്വാല്‍കോം സ്നാപ്ഡ്രാഗണ്‍ 7s ജെന്‍ ത്രീ ചിപ്പ് കരുത്തുള്ള റിയല്‍മി 14 പ്രോ പ്ലസ്, മീഡിയടെക് ഡൈമെന്‍സിറ്റി 7300 എനര്‍ജി കരുത്തുള്ള 14 പ്രോ എന്നിവയാണ് ഈ സീരീസില്‍ ഉള്‍പ്പെടുന്നത്. താപനിലയ്ക്ക് അനുസരിച്ച് നിറം മാറുന്ന ഡിസൈൻ ആണ് ഇവയ്ക്ക്

റിയല്‍മി 14 പ്രോ സീരീസ്: വിലയും വകഭേദങ്ങളും

റിയല്‍മി 14 പ്രോ പ്ലസ് 5G
8GB RAM + 128GB സ്റ്റോറേജ്: 29,999 രൂപ
8GB RAM + 256GB സ്റ്റോറേജ്: 31,999 രൂപ
12GB RAM + 256GB സ്റ്റോറേജ്: 34,999 രൂപ

റിയല്‍മി 14 പ്രോ 5G

8GB RAM + 128GB സ്റ്റോറേജ്: 24,999 രൂപ
8GB RAM + 256GB സ്റ്റോറേജ്: 26,999 രൂപ

Read Also: സോഫ്‌റ്റ്‌വെയര്‍ അപ്ഡേഷന് ശേഷം ഡിസ്പ്ലേ തകരാര്‍; ഫോണിന്റെ വിലയും നഷ്ടപരിഹാരവും നല്‍കാന്‍ വിധി

റിയല്‍മി 14 പ്രോ സീരീസ് സ്മാര്‍ട്ട്ഫോണുകള്‍ ഇന്ത്യയിലെ റിയല്‍മിയുടെ ഔദ്യോഗിക വെബ്സൈറ്റ്, ഇ-കൊമേഴ്സ് പ്ലാറ്റ്‌ഫോമായ ഫ്ലിപ്കാര്‍ട്ട്, തെരഞ്ഞെടുത്ത ഓഫ്‌ലൈന്‍ സ്റ്റോറുകള്‍ എന്നിവയില്‍ പ്രീ-ബുക്കിങിനായി ലഭ്യമാണ്. ജനുവരി 23 മുതല്‍ മറ്റിടങ്ങളിലും വിൽപ്പന ആരംഭിക്കും. തുടക്ക ഓഫർ എന്ന നിലയ്ക്ക്, പ്രോ പ്ലസിന് ബാങ്ക് ഡിസ്‌കൗണ്ടുകള്‍ ഉള്‍പ്പെടെ 4,000 രൂപ വരെയുള്ള ഓഫറുകള്‍ ലഭിക്കും. പ്രോയ്ക്ക് 2,000 രൂപ വരെയുള്ള ഓഫറുകള്‍ ലഭ്യമാണ്.