ഹൃദയാഘാതത്തിന് ശേഷവും കരുതിയിരുന്നതിലും കൂടുതല് സമയം തലച്ചോറിന്റെ പ്രവർത്തനം തുടരുമെന്ന് പഠനം. ഹൃദയസ്തംഭനം സംഭവിച്ചതിനു ശേഷവും ക്ലിനിക്കിൽ നടന്ന കാര്യങ്ങൾ ആളുകൾ ഓർമിക്കുന്നുണ്ടെന്നും പുതിയ പഠനത്തിൽ പറയുന്നു.
NYU ലാംഗോൺ മെഡിക്കൽ സെന്ററിലെ ഡോ. സാം പാർനിയ നേതൃത്വം നൽകിയ പഠനം റെസസിറ്റേഷൻ ജേണലിലാണ് പ്രസിദ്ധികരിച്ചത്. അമേരിക്കയിലെയും യുകെയിലെയും ഹൃദയാഘാതത്തെ അതിജീവിച്ച 25 ആശുപത്രികളിലെ 53 രോഗികളെയാണ് സംഘം പഠനത്തിനായി പരിശോധിച്ചത്.
ഏകദേശം 40% രോഗികൾക്കും ഹൃദയസ്തംഭനമുണ്ടായ സമയത്തെ ഓർമകളോ ചിന്തകളോ ഉണ്ടായിരുന്നതായി റിപ്പോർട്ട് ചെയ്തിട്ടുണ്ട്. മുറിയിൽ നടന്ന സംഭവങ്ങൾ, മെഡിക്കൽ സ്റ്റാഫുകൾ തമ്മിലുള്ള സംഭാഷണങ്ങൾ ഉൾപ്പെടെയുള്ള കാര്യങ്ങൾ ഓർമിക്കാൻ സാധിക്കുന്നുണ്ടെന്ന് ചിലർ പറഞ്ഞു.
തലച്ചോറിലെ സ്കാനുകൾ ചിന്തയും അവബോധവുമായി ബന്ധപ്പെട്ട വ്യത്യസ്ത തരംഗങ്ങളിൽ സ്പൈക്കുകൾ കാണിച്ചതായും പഠനത്തിൽ പറയുന്നു. മുമ്പ് കരുതിയിരുന്നതിനെക്കാൾ കൂടുതൽ തലച്ചോറിന് പ്രതിരോധശേഷിയുണ്ടാകാമെന്നാണ് പഠനം സൂചിപ്പിക്കുന്നത്. ഹൃദയസ്തംഭനം മൂലമുണ്ടാകുന്ന തലച്ചോറിലെ ക്ഷതങ്ങളുടെ ചികിത്സയും, സിപിആർ രീതികളും കൂടുതൽ മെച്ചപ്പെടുത്താൻ പഠനം സഹായിക്കുമെന്നാണ് കരുതപ്പെടുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
