കേരളത്തിലെ മറഞ്ഞിരിക്കുന്ന മനോഹര ബീച്ചുകൾ; യൂറോപ്യൻ സഞ്ചാരികളെ പോലും ആകർഷിക്കുന്ന തീരങ്ങൾ

യാത്ര പോകാൻ എല്ലാവർക്കും ഇഷ്ടമാണ്. പുതുമയും അനുഭവങ്ങളും തേടിയാണ് പലരും യാത്രകൾ തെരഞ്ഞെടുക്കുന്നത്. “യാത്ര” എന്ന് കേൾക്കുമ്പോൾ തന്നെ വിദേശ രാജ്യങ്ങളിലേക്കാണ് പലരുടെയും മനസ്സ് പോകുന്നത്. തായ്‌ലൻഡ്, യൂറോപ്യൻ നഗരങ്ങൾ പോലുള്ള സ്ഥലങ്ങളുടെ ഭംഗിയാണ് അതിന്റെ പ്രധാന ആകർഷണം. എന്നാൽ പലർക്കും അറിയാത്ത ഒരു സത്യം ഉണ്ട്. യൂറോപ്യൻ ടൂറിസ്റ്റുകൾ പോലും ഇഷ്ടപ്പെടുന്ന മനോഹരമായ തീരപ്രദേശങ്ങൾ കേരളത്തിലുണ്ട്. വിശ്വസിക്കാൻ പറ്റാത്തതുപോലെ തോന്നുമെങ്കിലും, ആയിരക്കണക്കിന് വിദേശ സഞ്ചാരികളാണ് വർഷംതോറും കേരളത്തിലെത്തുന്നത്. ഇതിലെ ഏറ്റവും രസകരമായ കാര്യം, നമ്മൾ പോലും അറിയാത്ത നിരവധി “ഹിഡൻ ബീച്ചുകൾ” കേരളത്തിലുണ്ടെന്നതാണ്. അവയിൽ ചിലത് നോക്കാം..

1. തിക്കോടി ഡ്രൈവ്-ഇൻ ബീച്ച് (കോഴിക്കോട്)

കോഴിക്കോട് ജില്ലയിലെ പ്രശസ്തമായ ബീച്ചാണ് തിക്കോടി ഡ്രൈവ്-ഇൻ ബീച്ച്. ഇവിടെ കട്ടിയുള്ള മണൽത്തിട്ടകളാണ് പ്രധാന ആകർഷണം. വാഹനങ്ങൾ മണലിലൂടെ നേരിട്ട് കടൽത്തീരത്തേക്ക് ഓടിച്ച് കൊണ്ടുപോകാൻ കഴിയുന്നത് ഈ ബീച്ചിന്റെ പ്രത്യേകതയാണ്. കുടുംബസമേതം സന്ദർശിക്കാൻ അനുയോജ്യമായ ഒരു ടൂറിസ്റ്റ് സ്പോട്ടാണ് ഇത്.

ALSO READ :ഡ്രോൺ-മിസൈൽ ആക്രമണം; കുവൈത്ത് എയർപോർട്ടിൽ എല്ലാ വിമാന സർവീസുകളും നിർത്തിവെച്ചു

2. കാനായി ബീച്ച് (കണ്ണൂർ)

കണ്ണൂർ ജില്ലയിൽ സ്ഥിതി ചെയ്യുന്ന കാനായി ബീച്ച് തെങ്ങിൻതോപ്പുകളാൽ ചുറ്റപ്പെട്ട മനോഹര തീരപ്രദേശമാണ്. ശാന്തവും സമാധാനപരവുമായ അന്തരീക്ഷമാണ് ഇവിടെ സഞ്ചാരികളെ ആകർഷിക്കുന്നത്. വൈകുന്നേരങ്ങളിൽ കടൽത്തീരത്തിരുന്ന് സൂര്യാസ്തമയം കാണാൻ ഇഷ്ടപ്പെടുന്ന പ്രകൃതി സ്നേഹികൾക്ക് ഏറ്റവും അനുയോജ്യമായ സ്ഥലങ്ങളിൽ ഒന്നാണ് ഇത്.

3. കാപ്പിൽ ബീച്ച്(തിരുവന്തപുരം)

ഒരു വശത്ത് അറബിക്കടലും മറുവശത്ത് കായലും ചേരുന്ന മനോഹരമായ ഒരു ബീച്ച്. അധികം ആളുകളുടെ ശ്രദ്ധയിൽപ്പെടാത്തതിനാൽ കേരളത്തിലെ ഏറ്റവും വൃത്തിയുള്ള ബീച്ചുകളിൽ ഒന്നായി ഇത് അറിയപ്പെടുന്നു.