ഇനി ഇവനെ തോല്‍പ്പിക്കാനാവില്ല; ലോകത്തിലെ ഏറ്റവും വേഗതയേറിയ ഇലക്ട്രിക് സൂപ്പര്‍ക്കാറെന്ന നേട്ടം സ്വന്തമാക്കി BYD ട്രാക്ക് എഡിഷൻ

ലോകത്തിലെ ഏറ്റവും വേഗതയേറിയ ഇലക്ട്രിക് വാഹനമെന്ന റെക്കോര്‍ഡ് നേടി BYD-യുടെ ഇലക്ട്രിക് സ്പോർട്സ് കാർ. ജർമ്മനിയിലെ ATP ഓട്ടോമോട്ടീവ് ടെസ്റ്റിംഗ് പാപ്പൻബർഗ് ടെസ്റ്റ് ട്രാക്കിൽ വെച്ച് നടത്തിയ ടെസ്റ്റില്‍, മണിക്കൂറിൽ 472.41 കിലോമീറ്റർ സഞ്ചരിക്കുമെന്ന് കണ്ടെത്തി. ഈ മാസം ആദ്യമാണ് ഈ നേട്ടം കൈവരിച്ചത്. ഇതോടെ BYD യാങ്‌വാങ് U9 ട്രാക്ക് എഡിഷൻ ലോകത്തിലെ ഏറ്റവും വേഗതയേറിയ ഇലക്ട്രിക് വാഹനമായി മാറി.

ഇതേ സ്ഥലത്ത് കഴിഞ്ഞ വർഷം 438.7 kmph വേഗതയിലെത്തിയ Aspark OWL SP600-ന്റെ ലോക റെക്കോർഡാണ് യാങ്‌വാങ് U9 ട്രാക്ക് എഡിഷൻ തകർത്തത്. ഈ വർഷം BYD യാങ്‌വാങ് U9 ട്രാക്ക് എഡിഷൻ ഓടിച്ചത് ജർമ്മൻ പ്രൊഫഷണൽ ഡ്രൈവർ മാർക്ക് ബാസെങ് ആയിരുന്നു. മികച്ച പ്രകടനത്തിനും സ്ഥിരതയ്ക്കും വേണ്ടി രൂപകൽപ്പന ചെയ്ത ഈ കാര്‍, സാധാരണ റോഡുകളിൽ ഓടിക്കാൻ കഴിയുന്ന യാങ്‌വാങ് U9-ന്റെ പരിഷ്കരിച്ച പതിപ്പാണ് BYD യാങ്‌വാങ് U9 ട്രാക്ക് എഡിഷൻ. ഇത് e4 പ്ലാറ്റ്‌ഫോമിലും DiSus-X കോർ ആർക്കിടെക്ചറിലുമാണ് നിർമ്മിച്ചിരിക്കുന്നത്. ട്രാക്ക് എഡിഷൻ നിലവിൽ ചൈനയിൽ മാത്രമാണ് വിൽപ്പനയ്ക്കുള്ളത്.

ALSO READ: കലക്കൻ ഫീച്ചറുകളുടെ ചാകര; 35ലധികം മാറ്റങ്ങളുമായി പുതിയ റെനോ കൈഗർ ഇന്ത്യയിലെത്തി; ഉറ്റുനോക്കി ആരാധകർ

BYD യാങ്‌വാങ് U9 ട്രാക്ക് എഡിഷൻ: e4 പ്ലാറ്റ്‌ഫോം

e4 പ്ലാറ്റ്‌ഫോമിൽ ലോകത്തിലെ ആദ്യത്തെ ക്വാഡ്-മോട്ടോർ സിസ്റ്റമാണുള്ളത്. ഇത് ഓരോ ഇലക്ട്രിക് മോട്ടോറിനും 744.26 bhp പീക്ക് പവർ ഔട്ട്പുട്ട് നൽകുന്ന 30,000 rpm ഹൈ-പെർഫോമൻസ് മോട്ടോറുകൾ വാഗ്ദാനം ചെയ്യുന്നു. ഈ ഇലക്ട്രിക് മോട്ടോറുകളെല്ലാം ഒരുമിച്ച് പ്രവർത്തിക്കുമ്പോൾ, ഈ ഇവിക്ക് 2,958.96 bhp-യിൽ അധികം പവർ ഔട്ട്പുട്ട് ഉത്പാദിപ്പിക്കാൻ കഴിയും.

ഈ ക്വാഡ്-മോട്ടോർ ഇൻഡിപെൻഡന്റ് ടോർക്ക്-വെക്‌ടറിംഗ് സിസ്റ്റം, റോഡിലെ വിവരങ്ങൾ തുടർച്ചയായി നിരീക്ഷിക്കുകയും ഓരോ ചക്രത്തിന്റെയും ടോർക്ക് സെക്കൻഡിൽ നൂറിലധികം തവണ ക്രമീകരിക്കുകയും ചെയ്യുന്നു. ഇത് യാതൊരു വീൽ സ്ലിപ്പോ ട്രാക്ഷൻ ലോസോ കൂടാതെ ശരീരത്തിന്റെ ബാലൻസ് പൂർണ്ണമായി നിലനിർത്താൻ ഇവിക്ക് സാധിക്കുന്നു. കൂടാതെ, BYD യാങ്‌വാങ് U9 EV-യുടെ ട്രാക്ക് പതിപ്പിലെ e4 പ്ലാറ്റ്‌ഫോമിന് ഒരു ടണ്ണിന് 1,200.35 bhp എന്ന മികച്ച പവർ-ടു-വെയ്റ്റ് റേഷ്യോയുണ്ട്.

ALSO READ: മാരുതി ഇ വിറ്റാര: അധികം താമസിക്കാതെ ഇന്ത്യയിലെത്തും, പുതിയ റിപ്പോർട്ടുകൾ

DiSus-X ഇന്റലിജന്റ് ബോഡി കൺട്രോൾ സിസ്റ്റമാണ് ഇവിയുടെ മു‍ഴുവൻ ഫോ‍ഴ്സും കൈകാര്യം ചെയ്യുന്നത്. 2023 ഏപ്രിലിൽ പ്രഖ്യാപിച്ച ഒരു പ്രത്യേക സസ്പെൻഷൻ സാങ്കേതികവിദ്യയാണിത്. ശ്രദ്ധേയമായി, BYD മുമ്പ് അതിന്റെ സ്റ്റാൻഡേർഡ് യാങ്‌വാങ് U9 EV-യുടെ ഒരു വീഡിയോ പുറത്തിറക്കിയിരുന്നു. അതിൽ വാഹനത്തിൻ്റെ നൂതന സസ്പെൻഷൻ സംവിധാനം ഉയർത്തിക്കാട്ടി കൊണ്ട് വിവിധ തടസ്സങ്ങൾക്ക് മുകളിലൂടെ പോകുന്നത് കാണിച്ചിരുന്നു. സാധാരണ U9-ഉം ട്രാക്ക് എഡിഷൻ പതിപ്പും കാഴ്ചയിൽ ഒരുപോലെയാണെങ്കിലും, സാങ്കേതികവിദ്യയുടെയും രൂപകൽപ്പനയുടെയും കാര്യത്തില്‍ BYD യാങ്‌വാങ് U9 ട്രാക്ക് എഡിഷൻ പുതിയൊരു തലത്തിലേക്ക് എത്തുന്നു.

പുതിയ ലോക റെക്കോർഡ് സ്ഥാപിച്ചതിലൂടെ, BYD യാങ്‌വാങ് U9 ട്രാക്ക് എഡിഷൻ ഇവി പ്രകടനത്തിന് പുതിയ മാനദണ്ഡം സ്ഥാപിക്കുകയും പരമ്പരാഗത ഇന്റേണൽ കംബഷൻ എഞ്ചിൻ (ICE) ഹൈപ്പർകാറുകൾക്ക് വെല്ലുവിളിയുയർത്തുകയും ചെയ്യുന്നു.