എയർപോർട്ട് അതോറിറ്റി ഓഫ് ഇന്ത്യയിൽ അവസരം; കൂടുതൽ അറിയാം

എയർപോർട്ട് അതോറിറ്റി ഓഫ് ഇന്ത്യയിൽ (എഎഐ) അവസരം. 976 ജൂനിയർ എക്സിക്യൂട്ടീവ് ഒഴിവിലേക്കാണ് നിലവിൽ നിയമനത്തിന്‌ ഔദ്യോഗിക വിജ്ഞാപനം പ്രസിദ്ധീകരിച്ചിരിക്കുന്നത്. എയർപോർട്ട് അതോറിറ്റി ഓഫ് ഇന്ത്യയിലേക്ക് നേരിട്ടുള്ള നിയമനമാണ്‌.

Also read: ഇന്ത്യൻ മിലിട്ടറി കോളേജ് പ്രവേശനം; ആൺകുട്ടികൾക്കും പെൺകുട്ടികൾക്കും അപേക്ഷിക്കാം; പ്രവേശന പരീക്ഷ 7ന്

ജൂനിയർ എക്സിക്യൂട്ടീവ് (ആർക്കിടെക്ചർ) 11, ജൂനിയർ എക്സിക്യൂട്ടീവ് (എൻജിനിയറിങ്‌- സിവിൽ)199, ജൂനിയർ എക്സിക്യൂട്ടീവ് (എൻജിനിയറിങ്‌ – ഇലക്ട്രിക്കൽ) 208, ജൂനിയർ എക്സിക്യൂട്ടീവ് (ഇലക്ട്രോണിക്സ്) 527, ജൂനിയർ എക്സിക്യൂട്ടീവ് (ഇൻഫർമേഷൻ ടെക്നോളജി) 31 എന്നിങ്ങനെയാണ്‌ ഒഴിവുകൾ റിപ്പോർട്ട് ചെയ്തിരിക്കുന്നത്. ബി ആർക്ക്, ബി ടെക്/ബിഇ, എംസിഎ കഴിഞ്ഞവർക്കാണ് അപേക്ഷിക്കാൻ ആവുക. 27 വയസാണ് പ്രായപരിധി. നിയമാനുസൃത ഇളവ്‌ ലഭിക്കും. 300 രൂപയാണ് അപേക്ഷാ ഫീസ്. എഎഐയിൽ ഒരു വർഷത്തെ അപ്രന്റീസ്ഷിപ്പ് പരിശീലനം വിജയകരമായി പൂർത്തിയാക്കിയ എസ്‌സി/എസ്ടി/പിഡബ്ല്യുബിഡി ഉദ്യോഗാർത്ഥികൾ/അപ്രന്റീസുകൾ/വനിതകൾ എന്നിവർക്ക്‌ ഫീസ്‌ വേണ്ട. ഓൺലൈനായി ഓഗസ്റ്റ് 28 മുതൽ ലഭ്യമാകും അപേക്ഷ സമർപ്പിക്കാൻ കഴിയും. അവസാന തീയതി : സെപ്‌തംബർ 27. വെബ്‌സൈറ്റ്‌: www.aai.aero.