കാസർഗോഡ് ഒളിച്ചുകളിക്കുന്നതിനിടെ ടാര് വീപ്പയിൽ കുടുങ്ങിയ നാലരവയസുകാരിയെ രക്ഷിച്ച് അഗ്നിരക്ഷാസേന. മുട്ടിന് മുകളില് വരെ ടാറില് മുങ്ങി പുറത്തിറങ്ങാനാവാത്തവിധം കുടുങ്ങിയ കുട്ടിയെഏറെ പണിപ്പെട്ടാണ് അഗ്നിരക്ഷാസേന രക്ഷിച്ചത്. വെള്ളിയാഴ്ച വൈകിട്ട് ആറിനാണ് സംഭവം.
Also read: ബാലരാമപുരം കൊലപാതകം; ശ്രീതുവിനെ ഉടൻ അറസ്റ്റ് ചെയ്തേക്കും
അപകടത്തില്പ്പെട്ടത് ചട്ടഞ്ചാല് എംഐസി കോളേജിന് സമീപത്തെ ഖദീജയുടെ മകള് ഫാത്തിമയാണ്. സഹോദരിക്കൊപ്പം വീട്ടുമുറ്റത്ത് ഒളിച്ചുകളിക്കുകയായിരുന്നു ഫാത്തിമ. അതിനിടയില് വീടിന് സമീപം റോഡ് ടാറിങ്ങിനായി കൊണ്ടുവന്ന ടാര് വീപ്പയിലേക്ക് ഇറങ്ങുകയായിരുന്നു. വീപ്പയ്ക്ക് സമീപത്തെ കല്ലില് ചവിട്ടിയാണ് അകത്തേക്ക് ഇറങ്ങിയത് എന്ന് പെൺകുട്ടി പറഞ്ഞു.
വീപ്പയില് ഇറങ്ങിയ ഫാത്തിമ നെഞ്ചോളം ടാറില് മുങ്ങി. ഒപ്പമുണ്ടായിരുന്ന സഹോദരി ഉടന് വീട്ടിലെത്തി ഉമ്മയെ വിവരമറിയിക്കുകയും കാസർഗോഡ് ഫയര് സ്റ്റേഷനിലെ ലീഡിങ് ഫയര്മാന് പി സണ്ണി ഇമ്മാനുവലിന്റെ നേതൃത്വത്തിലുള്ള സംഘം സ്ഥലത്തെത്തി കുട്ടിയെ രക്ഷപ്പെടുത്തുകയായിരുന്നു.
30 ലിറ്റര് ഡീസല് വീപ്പയിലേക്ക് ഒഴിച്ച് ടാറിന്റെ കട്ടി കുറച്ചു. ഇങ്ങനെ പല തവണ ആവര്ത്തിച്ച ശേഷം ടാര് ദ്രാവക രൂപത്തിലാക്കിയാണ് കുട്ടിയെ പുറത്തെടുത്തത്. പുറത്തെടുത്തശേഷം ഏറെ നേരം പണിപ്പെട്ടാണ് കുട്ടിയുടെ ശരീരത്തില് നിന്ന് ടാര് നീക്കിയത്. തുടര്ന്ന് ചെങ്കള ഇ കെ നായനാര് ആശുപത്രിയിലെത്തിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
