ആഭ്യന്തര മന്ത്രിയുടെ കൂടെയുള്ള ഫോട്ടോ കമൻ്റിട്ടു, പൊലീസ് കേസെടുത്തു; മന്ത്രിയുടെ പ്രശസ്‌തിക്ക് ഹാനിയെന്ന് എഫ്ഐആർ

ആഭ്യന്തര മന്ത്രിക്കെതിരെ ഫേസ്ബുക്കിൽ കമൻ്റിട്ടയാളുടെ പേരിൽ കേസെടുത്ത് പൊലീസ്. മണ്ണാറശാല സ്വദേശി അനിൽകുമാറിനെതിരെയാണ് ഹരിപ്പാട് പൊലീസ് കേസെടുത്തത്. നിരവധി ക്രിമിനൽ കേസിൽ പ്രതിയായ ഇയാൾ രമേശ് ചെന്നിത്തലയുടെ കൂടെയുള്ള ഫോട്ടോ ഒരു വാർത്താ മാധ്യമത്തിന്റെ പോസ്റ്റിന് കീഴെ കമന്റായി ഇടുകയായിരുന്നു.

Also read: ബിജെപി ഫണ്ട് വിവാദത്തിൽ വഴിത്തിരിവ്; നോട്ടു കെട്ടുമായുള്ള എബിവിപി നേതാവിന്റെ തെരഞ്ഞെടുപ്പ് സമയത്തെ സെൽഫി പുറത്ത്

എന്നാൽ ഇത് മന്ത്രിയുടെ പ്രശസ്തിക്ക് ഹാനിയാകുമെന്ന് ആരോപിച്ച് ഇയാൾക്കെതിരെ പൊലീസ് കേസെടുക്കുയായിരുന്നു. തിരുവനന്തപുരം സൈബർ ഓപറേഷൻസ് വിഭാ​ഗം എസ്പി നേരിട്ട് ആലപ്പുഴ ജില്ലാ പൊലീസ് മേധാവിക്ക് കമന്റിന്റെ സ്ക്രീൻഷോട്ട് പങ്കുവെക്കുകയും, തുടർന്ന് ഹരിപ്പാട് പൊലീസ് കേസെടുക്കുകയുമായിരുന്നു. അനിൽ കുമാറിൻ്റെ ഫോൺ പൊലീസ് പിടിച്ചെടുത്തു.

Also read: ഗുരുതര വീഴ്ച; കോഴിക്കോട് റെയിൽവെ സ്റ്റേഷനിൽ ക്ലോക്ക് ടവർ ട്രെയിനിന് മുകളിലേക്ക് തകർന്ന് വീണു

പൊലീസ് സേനയുടെ ഔദ്യോ​ഗിക കൃത്യനിർവഹണത്തെക്കുറിച്ച് പൊതുജനങ്ങളിൽ തെറ്റുദ്ധാരണ വരുത്തുമെന്നും എഫ് ഐ ആറിൽ പറയുന്നു. എന്നാൽ അനിൽ കുമാർ കമൻ്റ് ചെയ്ത ചിത്രം വ്യാജമാണെന്ന് കമൻ്റിൽ പറുന്നില്ല.