ബസിനുള്ളിലെ ദൃശ്യങ്ങൾ സാമൂഹ്യ മാധ്യമങ്ങളിലൂടെ വ്യാപകമായി പ്രചരിച്ചതിന് പിന്നാലെ കോഴിക്കോട് ഗോവിന്ദപുരം സ്വദേശിയായ യുവാവിനെ വീട്ടിനുള്ളിൽ മരിച്ച നിലയിൽ കണ്ടെത്തി. ഗോവിന്ദപുരം സ്വദേശി ദീപക് (32) ആണ് മരിച്ചത്. ദീപക് കടുത്ത മാനസിക സമ്മർദ്ദത്തിലായിരുന്നുവെന്ന് കുടുംബം ആരോപിച്ചു.
പയ്യന്നൂർ റെയിൽവേ സ്റ്റേഷനിൽ നിന്നും ബസ് സ്റ്റാന്ഡിലേക്കുള്ള യാത്രക്കിടെയാണ് ബസില് നിന്നും യുവതി വിഡിയോ പകര്ത്തി സോഷ്യല് മീഡിയയില് പങ്കുവച്ചത്. മറ്റൊരു പെണ്കുട്ടിക്കുണ്ടായ ദുരനുഭവം കണ്ടാണ് വിഡിയോ പകര്ത്താന് തുടങ്ങിയതെന്നും ഇയാള് അത് കണ്ടതോടെ തന്നെയും മോശമായി സ്പര്ശിച്ചെന്നാണ് പെണ്കുട്ടി ആരോപിച്ചത് . ഈ ദൃശ്യങ്ങൾ വൈറലായതോടെ ദീപക് വലിയ രീതിയിലുള്ള സൈബർ ആക്രമണവും മാനസിക വിഷമവും നേരിട്ടിരുന്നതായി ബന്ധുക്കൾ പറയുന്നു.
ALSO READ : വയനാട്ടിൽ തോക്കും വെടിക്കോപ്പുകളുമായി വേട്ടസംഘം പിടിയിൽ; പിടിയിലായത് താമരശ്ശേരി സ്വദേശികൾ
ശനിയാഴ്ച വൈകുന്നേരത്തോടെയാണ് ദീപക്കിനെ മരിച്ച നിലയിൽ കണ്ടെത്തിയത്. സോഷ്യൽ മീഡിയയിലൂടെ ദൃശ്യങ്ങൾ പ്രചരിച്ചതാണ് ദീപക്കിനെ ആത്മഹത്യയിലേക്ക് നയിച്ചതെന്ന് കുടുംബം മെഡിക്കൽ കോളേജ് പൊലീസിനോട് പറഞ്ഞു.സംഭവത്തിൽ മെഡിക്കൽ കോളേജ് പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്. ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി മെഡിക്കൽ കോളേജ് മോർച്ചറിയിലേക്ക് മാറ്റും
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
