അമൂല്യമായ ഹാരിപോട്ടർ; 1068 രുപക്ക് വാങ്ങിയ പുസ്തകം വിറ്റത് 38 ലക്ഷം രൂപക്ക്

ബ്രിട്ടീഷ് എഴുത്തുകാരിയായ ജെ.കെ. റൗളിംഗ് എഴുതിയ ഏഴു പുസ്തകങ്ങളടങ്ങിയ സാങ്കല്പിക മാന്ത്രിക നോവൽ പരമ്പരയാണ്‌‌ ഹാരി പോട്ടർ. എല്ലാ പ്രായത്തിൽ പെട്ടവരുടെയും ഇഷ്ടപുസ്തകങ്ങളിൽ ഉൾപ്പെടുന്നതാണ് ഹാരിപോർട്ടർ. പരമ്പരയിലെ ആദ്യത്തെ പുസ്തകമാണ് ഹാരി പോട്ടർ ആന്റ് ദ ഫിലോസഫേഴ്സ് സ്റ്റോൺ. ഈ പുസ്തകത്തിന്റെ ആ​ദ്യ പതിപ്പിന് ഇപ്പോൾ ലഭിച്ചിരിക്കുന്ന വിലയാണ് 38 ലക്ഷം രൂപ.

1997 -ൽ വെറും 10 പൗണ്ടിനാണ് ഏകദേശം 1068 രൂപക്ക് വാങ്ങിയ പുസ്തകത്തിനാണ് ഇപ്പോൾ 36,000 പൗണ്ടിന് ലേലത്തിൽ വിറ്റിരിക്കുന്നത്. (ഏകദേശം 38 ലക്ഷത്തിലധികം രൂപ)

Also Read: ഇന്ത്യയിലെ ദുർമന്ത്രവാദത്തിന്റെ തലസ്ഥാനം എന്നറിയപ്പെടുന്ന ​ഗ്രാമം

ഹാരിപോർട്ടർ പ്രസിദ്ധീകരിച്ച സമയത്ത് അച്ചടിച്ച 500 ഹാർഡ്ബാക്ക് കോപ്പികളിൽ ഒന്നാണ് ഇപ്പോൾ ലേലം ചെയ്യപ്പെട്ട പുസ്തകം. ആതാണ് പുസ്തകത്തിന്റെ പ്രത്യേകതയും. സ്ട്രാറ്റ്ഫോർഡ്-ഓൺ-അവോണിൽ നിന്ന് ക്രിസ്റ്റീൻ മക്കല്ലോക്കാണ് അന്ന് ഈ പുസ്തകം വാങ്ങിയത്. 1997 ജൂൺ 30 -നാണ് ബ്ലൂംസ്ബെറി പ്രസിദ്ധീകരിച്ച ഈ പുസ്തകം ലണ്ടനിൽ പ്രകാശനം ചെയ്തത്. ഈ പുസ്തകം ഇതേ പേരിൽത്തന്നെ ചലച്ചിത്രമാക്കപ്പെട്ടിട്ടുണ്ട്.