സാരിയുടുത്താൽ ക്യാൻസർ വരുമോ? വർഷങ്ങളായി ആരും അറിയാതെ പോയ കാര്യം

ലോകമെമ്പാടുമുള്ള സ്ത്രീകളിൽ ഏറ്റവും കൂടുതൽ കണ്ടുവരുന്ന സാധാരണമായ ക്യാൻസറുകളുകളാണ് സ്തനാർബുദവും അണ്ഡാശയ അർബുദവും. കഴിഞ്ഞ കുറേ വർഷങ്ങളായി ഇന്ത്യയിൽ ക്യാൻസർ ബാധിതരാകുന്ന സ്ത്രീകളുടെ എണ്ണത്തിലും വർദ്ധനവുണ്ടായിട്ടുണ്ട്. എന്നാൽ അക്കൂട്ടത്തിൽ ചിലർക്കെങ്കിലും അപരിചിതമായി തോന്നിയ ഒന്നാണ് സാരി ക്യാൻസർ. സാരി കൂടുതലായി ധരിക്കുമ്പോൾ ക്യാൻസർ വരുമോയെന്ന ആശങ്ക തോന്നുമെങ്കിലും ഇതിന്റെ യാഥാർത്ഥ്യം മനസിലാക്കേണ്ടതുണ്ട്. ഇത് ചർമ്മത്തിൽ പിടിപെടുന്ന ഒരു അത്യപൂർവം ക്യാൻസറാണ്.

സാരി ഉൾപ്പെടെയുള്ള ഇറുകിയ വസ്ത്രങ്ങൾ സ്ഥിരമായി ധരിക്കുന്നത് മൂലമുണ്ടാകുന്ന ആരോഗ്യപ്രശ്നങ്ങളിൽ നിന്നാണ് സാരി ക്യാൻസർ ഉണ്ടാകുന്നത്. അതുപോലെ സാരി സ്ഥിരം അരക്കെട്ടിൽ മുറുകെ കെട്ടിവയ്ക്കുമ്പോഴുണ്ടാകുന്ന ഘർഷണവുമായി ബന്ധപ്പെട്ടും ഈ അവസ്ഥ ഉണ്ടാകാം. ചർമ്മത്തിന്റെ പുറം പാളികളിൽ വികസിക്കുന്ന സ്ക്വാമസ് സെൽ കാർസിനോമയുടെ ഒരു വകഭേദമായി ഇത് കണക്കാക്കപ്പെടുന്നു. ഈ അവസ്ഥ ഒറ്റരാത്രി കൊണ്ട് ഉണ്ടാകുന്നതല്ല. അരക്കെട്ടിലെ നീണ്ടുനിൽക്കുന്ന ഘർഷണം കാലക്രമേണ ചർമ്മത്തെ പ്രകോപിപ്പിക്കുകയും ഇത് കട്ടിയാകുന്നതിനോ, കറുപ്പിക്കുന്നതിനോ അല്ലെങ്കിൽ നിറവ്യത്യാസത്തിനോ കാരണമാകും. തുടർച്ചയായ ചൊറിച്ചിലും വീക്കവും പിന്നീട് ഉണ്ടാകാം. വർഷങ്ങളോളം ചികിത്സിച്ചില്ലെങ്കിൽ, ഈ ചെറിയ അസ്വസ്ഥതകൾ ഉണങ്ങാത്ത മുറിവുകളോ അൾസറോ ആയി മാറിയേക്കാം.

ALSO READ: ചൂടാണ്, കരുതൽ വേണം, ഇക്കാര്യങ്ങൾ മറക്കരുത്: ജാഗ്രതാ നിർദേശം പുറപ്പെടുവിച്ച് ദുരന്ത നിവാരണ അതോറിറ്റി

ചൂടും ഈർപ്പവും കൂടിച്ചേർന്ന് ഒരേ സ്ഥലത്ത് ദീർഘനേരം അല്ലെങ്കിൽ (വർഷങ്ങളോളം ഈ പതിവ് ആവർത്തിക്കുന്നത്) സാരി ധരിക്കുന്നത് ചർമ്മത്തിലെ പ്രകോപനം വർദ്ധിപ്പിക്കും. ശുചിത്വക്കുറവ്, ആവർത്തിച്ചുള്ള അണുബാധകൾ, വൈകിയുള്ള ചികിത്സ എന്നിവ അവസ്ഥ കൂടുതൽ വഷളാക്കും. ചില പഠനങ്ങൾ സൂചിപ്പിക്കുന്നത് ജനിതക ഘടകങ്ങൾ ഒരു പങ്ക് വഹിച്ചേക്കാമെന്നാണ്. നേരത്തെ രോഗനിർണയം നടത്തിയാൽ, ഈ അവസ്ഥ ഫലപ്രദമായി ചികിത്സിക്കാൻ കഴിയും. സ്ക്വാമസ് സെൽ കാർസിനോമയ്ക്കുള്ള ചികിത്സ സാധാരണയായി റേഡിയേഷൻ തെറാപ്പി ഉൾപ്പെടെയുള്ള പ്രോട്ടോക്കോളുകൾ പിന്തുടരുന്നു. ചില കേസുകളിൽ കീമോതെറാപ്പി ആവശ്യമായി വന്നേക്കാം.