പാലായില് ഭാര്യാ മാതാവിനെ പെട്രോള് ഒഴിച്ചു തീ കൊളുത്തി കൊലപ്പെടുത്താന് ശ്രമിച്ച സംഭവത്തില് ഭാര്യ മാതാവും മരുമകനും പൊള്ളലേറ്റ് മരിച്ചു. പാലാ അന്ത്യാളം സ്വദേശിനി നിര്മ്മല, കരിങ്കുന്നം സ്വദേശി മനോജ് എന്നിവരാണ് മരിച്ചത്.
കുടുംബ വഴക്കിനെ തുടര്ന്നുണ്ടായ വൈരാഗ്യമാണ് സംഭവത്തിന് കാരണമെന്ന് പോലീസ് പറയുന്നു. വീട്ടില് മുമ്പും ഇവര് തമ്മില് പ്രശ്നങ്ങള് ഉണ്ടായിരുന്നുവെന്ന് അയല്വാസികളും പറഞ്ഞു.
Also Read : മകളെ വലിയ ഇഷ്ടം, തന്റെ വീട് അവള്ക്ക് നല്കണമെന്ന് ചെന്താമര; കൊടുവാള് വാങ്ങിയ കട കണ്ടെത്തി പൊലീസ്
ചൊവ്വാഴ്ച രാത്രിയായിരുന്നു സംഭവം. പൊള്ളലേറ്റ് കോട്ടയം മെഡിക്കല് കോളേജില് ചികിത്സയിലായിരുന്ന ഇരുവരും ഇന്ന് രാവിലെ മരിക്കുകയായിരുന്നു. ഭാര്യാമാതാവിന്റെ ശരീരത്തില് പെട്രോള് ഒഴിച്ച് തീകൊളുത്തുന്നതിനിടെ സ്വന്തം ശരീരത്തിലേക്ക് തീപടര്ന്നാണ് മനോജും മരിച്ചത്.
മരിച്ച മനോജും ഭാര്യാമാതാവായ നിര്മലയും തമ്മില് ചില കുടുംബ പ്രശ്നങ്ങളുണ്ടായിരുന്നുവെന്നും മുമ്പും ഇയാള് വീട്ടിലെത്തി അക്രമം നടത്തിയിട്ടുണ്ടെന്നും പോലീസ് അറിയിച്ചു.
നാട്ടുകാരെത്തി തീയണച്ച ശേഷം ഇരുവരെയും കോട്ടയം മെഡിക്കല് കോളേജിലേക്ക് എത്തിച്ചെങ്കിലും രക്ഷിക്കാനായില്ല. ഇരുവര്ക്കും 60 ശതമാനത്തില് അധികം പൊള്ളലേറ്റിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
