വിദ്യാര്ഥികള്ക്കിടയില് ആരോഗ്യകരമായ മത്സര കാഴ്ചപ്പാട് ഉണ്ടാകണമെന്ന് ധനകാര്യ മന്ത്രി കെ എന് ബാലഗോപാല്. കൊല്ലം റവന്യൂ ജില്ലാ സ്കൂള് കായികമേള കൊട്ടാരക്കര ജി വി എച്ച് എസ് ആന്ഡ് വി എച്ച് എസ് എസ് ഗ്രൗണ്ടില് ഉദ്ഘാടനം ചെയ്യുകയായിരുന്നു അദ്ദേഹം.
മത്സര ഇനങ്ങളിലെ പങ്കാളിത്തമാണ് പ്രധാനം. ജയ പരാജയങ്ങള് സ്വഭാവികമാണ്. ഭാവിയുടെ താരങ്ങളാകാന് അവസരങ്ങള് പരമാവധി പ്രയോജനപ്പെടുത്തണം. വിദ്യാര്ഥികളുടെ ശാരീരിക- മാനസിക ആരോഗ്യം ഉറപ്പാക്കാന് അധ്യാപകരും രക്ഷിതാക്കളും മുന്കൈയെടുക്കണമെന്നും മന്ത്രി കെ എന് ബാലഗോപാല് ഓര്മിപ്പിച്ചു.
കൊട്ടാരക്കര നഗരസഭാ ചെയര്പേഴ്സണ് കെ ഉണ്ണികൃഷ്ണമേനോന് അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് എ അഭിലാഷ്, ജില്ലാ പഞ്ചായത്ത് അംഗം ബ്രിജേഷ് എബ്രഹാം, വിദ്യാഭ്യാസ ഉപഡയറക്ടര് കെ ഐ ലാല്, കൗണ്സിലര്മാര് തുടങ്ങിയവര് പങ്കെടുത്തു.
News Summary: Kollam Revenue District School Sports Festival at Kottarakkara GV HS & VHSS Ground
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
