ദക്ഷിണാഫ്രിക്കയ്ക്കെതിരായ ഇന്ത്യൻ ടെസ്റ്റ് ടീമിലെ ഒരു അംഗം വിവാഹത്തിനായി ബിസിസിഐയോട് അവധി ചോദിച്ചതായി റിപ്പോർട്ട്. ടൈംസ് ഓഫ് ഇന്ത്യയാണ് ഇന്ത്യൻ ടീമിലെ ഒരു അംഗം വിവാഹത്തിനായി ബിസിസിഐയോട് അവധി ചോദിച്ചതായിട്ട് റിപ്പോർട്ട് ചെയ്തിരിക്കുന്നത്.
ഇന്ത്യയുടെ ഇടംകൈയ്യൻ സ്പിന്നർ കുൽദീപ് യാദവാണ് വിവാഹ ആവശ്യത്തിനായി ബിസിസിഐയോട് അവധി ചോദിച്ചതായി റിപ്പോർട്ടുള്ളത്. നവംബർ അവസാനവാരത്തിലാണ് താരം വിവാഹിതനാകുക എന്നാണ് റിപ്പോർട്ട്. ഈഡൻ ഗാർഡൻസിൽ നടന്ന ഒന്നാം ടെസ്റ്റിൽ ഇന്ത്യയുടെ പ്ലെയിങ് ഇലവന്റെ ഭാഗമായിരുന്നു താരം.
ഈ വർഷം ജൂണിൽ ബാല്യകാല സുഹൃത്തുമായി താരത്തിന്റെ വിവാഹ നിശ്ചയം കഴിഞ്ഞിരുന്നു. കുൽദീപിന്റെ ടീമിലെ സേവനത്തിന്റ ആവശ്യം പരിഗണിച്ചിട്ടായിരിക്കും ഇന്ത്യൻ ടീം മാനേജ്മെന്റ് അവധിയിൽ തീരുമാനമെടുക്കുക.
നവംബർ 22 ന് ഗുവാഹത്തിയിൽ ആരംഭിക്കുന്ന രണ്ടാം ടെസ്റ്റിൽ കുൽദീപ് ഉണ്ടായിരിക്കുമോ എന്ന കാര്യത്തിൽ വ്യക്തതിയില്ല. ദക്ഷിണാഫ്രിക്കൻ ടൂറിന്റെ ഭാഗമായിട്ടുള്ള ഏകദിന, ടി20 മത്സരങ്ങൾക്കുള്ള ടീമിൽ താരത്തിന്റെ സാന്നിധ്യമുണ്ടായിരിക്കാൻ സാധ്യതയില്ല.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
