ഡല്‍ഹിയിലെ ദേശീയ അന്വേഷണ ഏജന്‍സി (എന്‍ ഐ എ) ആസ്ഥാനത്ത് കര്‍ശന സുരക്ഷയുള്ള ചെറിയ മുറി ഇപ്പോള്‍ ഇന്ത്യയിലെ ഏറ്റവും ഉയര്‍ന്ന ഭീകരവാദ അന്വേഷണങ്ങളുടെ കേന്ദ്രമാണ്. 14 അടി നീളവും 14 അടി വീതിയുമുള്ള ഈ സെല്ലില്‍ 24 മണിക്കൂറും സിസിടിവി നിരീക്ഷണവും കാവല്‍ക്കാരുടെ നിയന്ത്രണവുമുണ്ടാകും. 2008 ലെ മുംബൈ ഭീകരാക്രമണത്തിലെ പ്രധാന പ്രതിയായ തഹാവൂര്‍ ഹുസൈന്‍ റാണയെ പാര്‍പ്പിക്കുന്നത് ഇവിടെയാണ്. വ്യാഴാഴ്ച അമേരിക്കയില്‍ നിന്ന് നാടുകടത്തിയതിനെ തുടര്‍ന്നാണ് റാണയെ ഇന്ത്യയില്‍ എത്തിച്ചത്.
സി ജി ഒ കോംപ്ലക്‌സിലെ എന്‍ ഐ എ കെട്ടിടത്തിന്റെ താഴത്തെ നിലയിലാണ് ഈ സെല്‍ സ്ഥിതി ചെയ്യുന്നത്. റാണ എത്തിയതിനു ശേഷം ഇത് ഒരു കോട്ടയായി മാറി. പുറത്ത് കൂടുതല്‍ ഡല്‍ഹി പൊലീസിനെയും അര്‍ധസൈനികരെയും വിന്യസിച്ചിട്ടുണ്ട്. അനുമതിയില്ലാതെ ആരെയും പ്രവേശിക്കാന്‍ അനുവദിക്കില്ല. സുരക്ഷാ കാരണങ്ങളാല്‍ വ്യാഴാഴ്ച രാത്രി പട്യാല ഹൗസ് കോടതി പരിസരത്ത് നിന്ന് മാധ്യമപ്രവര്‍ത്തകരെപ്പോലും പുറത്താക്കിയിരുന്നു.
Read Also: മുംബൈ ഭീകരാക്രമണ കേസ്: തഹാവൂര്‍ റാണയുടെ ചോദ്യം ചെയ്യല്‍ നടപടികള്‍ ആരംഭിച്ചു
ബഹുതലങ്ങളിലുള്ള ഡിജിറ്റല്‍ സുരക്ഷാ സംവിധാനങ്ങള്‍ ഇവിടെ ഒരുക്കിയിട്ടുണ്ട്. ഓരോ ഇഞ്ചും സി സി ടി വി ക്യാമറകള്‍ നിരീക്ഷിക്കുന്നുണ്ട്, കൂടാതെ 12 നിയുക്ത എന്‍ ഐ എ ഉദ്യോഗസ്ഥര്‍ക്ക് മാത്രമേ പ്രവേശിക്കാന്‍ അനുവാദമുള്ളൂ. സെല്ലിനുള്ളില്‍ നിലത്ത് ഒരു കിടക്കയും കുളിമുറിയും സജ്ജീകരിച്ചിരിക്കുന്നതിനാല്‍ റാണക്ക് അധികം ചലിക്കാനാകില്ല. ഭക്ഷണം, കുടിവെള്ളം, വൈദ്യസഹായം തുടങ്ങിയ എല്ലാ അടിസ്ഥാന ആവശ്യങ്ങളും അകത്ത് എത്തിച്ചു നല്‍കും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
