കൊച്ചി: സുരേഷ് ഗോപിയുടെ 250-ാം ചിത്രമായി പ്രഖ്യാപിച്ച ചിത്രത്തിന് കോടതിയുടെ വിലക്ക്.
പൃഥ്വിരാജിനെ നായകനാക്കി ഷാജി കൈലാസ് സംവിധാനം ചെയ്യാനിരിക്കുന്ന കടുവ എന്ന ചിത്രത്തിലെ കഥാപാത്രത്തിന്റെ പേരും തിരക്കഥയും പകര്പ്പവകാശം ലംഘിച്ച് എടുത്തതെന്ന പരാതിയിലാണ് നടപടി.
സംവിധായകനും തിരക്കഥാകൃത്തുമായ ജിനു ഏബ്രഹാം ആണ് കടുവയുടെ രചന.
സുരേഷ് ഗോപി ചിത്രത്തിന്റെ ചിത്രീകരണം തടയണമെന്നാവശ്യപ്പെട്ട് ജിനുവാണ് എറണാകുളം ജില്ലാ കോടതിയില് ഹര്ജി നല്കിയത്. ഹര്ജി സ്വീകരിച്ച കോടതി സുരേഷ്ഗോപി ചിത്രത്തിന്റെ ഷൂട്ടിംഗ്, സോഷ്യല് മാധ്യമങ്ങളിലുള്പ്പെടെ നടത്തുന്ന പ്രചരണം എന്നിവ തടഞ്ഞ് ഉത്തരവായി.
കടുവാക്കുന്നേല് കുറുവച്ചന് എന്ന കഥാപാത്രത്തിന്റെ പേര് കോപ്പിറൈറ്റ് ആക്ട് പ്രകാരം രജിസ്റ്റര് ചെയ്തതിന്റെ രേഖകള് ജിനു കോടതിയില് ഹാജരാക്കി. കഥാപാ്രതത്തിന്റെ പേരടക്കം കടുവയുടെ തിരക്കഥയുടെ എല്ലാ സീനുകളും പ്രത്യേകം രജിസ്റ്റര് ചെയ്തിട്ടുള്ളതായി ഹര്ജിക്കാര് കോടതിയെ അറിയിച്ചു. ഇതിന്റെ രേഖകളും കോടതിയില് ഹാജരാക്കി. ഇത് പരിഗണിച്ചാണ് സുരേഷ്ഗോപി ചിത്രത്തിന് കോടതി വിലക്കേര്പ്പെടുത്തിയത്.
മുളകുപാടം ഫിലിംസിന്റെ ബാനറില് ടോമിച്ചന് മുളകുപാടമായിരുന്നു സുരേഷ് ഗോപി ചിത്രം നിര്മ്മിക്കാനിരുന്നത്. ജിനു ഏബ്രഹാമിന്റെ സംവിധാന സഹായിയായിരുന്ന മാത്യുസ് തോമസാണ് ചിത്രത്തിന്റെ സംവിധായകന്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here