നയതന്ത്ര സ്വര്ണ്ണക്കടത്ത് കേസില് തീവ്രവാദ ബന്ധത്തിന് തെളിവില്ലെന്ന് കോടതിയില് കസ്റ്റംസ് സമര്പ്പിച്ച കുറ്റപത്രത്തില് വ്യക്തമാക്കുന്നു. സ്വര്ണക്കടത്ത് പണം തീവ്രവാദ പ്രവര്ത്തനങ്ങള്ക്ക് ഉപയോഗിച്ചുവെന്ന് കണ്ടെത്താന് കഴിഞ്ഞില്ലെന്ന് കുറ്റപത്രത്തില് പറയുന്നു.
21 തവണകളിലായി 169 കിലോ സ്വര്ണമാണ് തിരുവനന്തപുരം വിമാനത്താവളം വഴി പ്രതികള് കടത്തിയത്. സ്വര്ണം കടത്തുന്നത് സംബന്ധിച്ച് രണ്ട് തവണ പ്രതികള് ട്രയലും നടത്തിയിരുന്നു.
സ്വര്ണ്ണക്കടത്ത് കേസില് രാഷ്ട്രീയ ബന്ധത്തിന് തെളിവില്ലെന്നും കസ്റ്റംസ് കുറ്റപത്രത്തില് പറയുന്നു. മൂവായിരം പേജുകളുള്ള കുറ്റപത്രമാണ് കസ്റ്റംസ് സമര്പ്പിച്ചത്. 21 തവണകളിലായി 169 കിലോ സ്വര്ണമാണ് തിരുവനന്തപുരം വിമാനത്താവളം വഴി പ്രതികള് കടത്തിയത്.
നയതന്ത്ര ബാഗേജ് വഴിയുള്ള തിരുവന്തപുരം സ്വര്ണക്കടത്ത് നടത്തിയ കേസിലാണ് കൊച്ചിയിലെ സാമ്പത്തിക കുറ്റകൃത്യങ്ങള് പരിഗണിക്കുന്ന കോടതിയില് കസ്റ്റംസ് കുറ്റപത്രം സമര്പ്പിച്ചത്.
2019 ജൂലൈയില് ആരംഭിച്ച അന്വേഷണത്തിലാണ് ഇപ്പോള് കുറ്റപത്രം സമര്പ്പിച്ചത്. ജൂലൈ അഞ്ചിനാണ് യുഎഇ കോണ്സുലേറ്റ് വഴി കടത്തിക്കൊണ്ടുവന്ന സ്വര്ണം കസ്റ്റംസ് പിടികൂടിയത്.
എന്ഫോഴ്സ്മെന്റ് ഡയറക്ടറേറ്റും കേസെടുത്തിരുന്നു. പി എസ് സരിത്താണ് കേസിലെ ഒന്നാംപ്രതി. മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കര് ഇരുപത്തി ഒന്പതാം പ്രതിയാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here