പ്രേക്ഷകര് ഏറെ ആകാംക്ഷയോടെ കാത്തിരിക്കുന്ന മമ്മൂട്ടി ചിത്രം റോഷാക്കിന്റെ(Rorschach) പ്രി-റിലീസ് ടീസര് പുറത്ത്. (Mammootty)മമ്മൂട്ടി അവതരിപ്പിക്കുന്ന ലൂക്ക് ആന്റണി എന്ന നായകകഥാപാത്രത്തിനു മുന്നില് പ്രത്യക്ഷപ്പെടുന്ന മുഖംമൂടിക്കാരന് ആസിഫ് അലിയാണെന്നാണ്(Asif Ali) പ്രേക്ഷകരുടെ കണ്ടെത്തല്. റോഷാക്കില് ആസിഫ് അലി അഭിനയിക്കുന്നുണ്ടെന്ന് മുമ്പ് തന്നെ അണിയറ പ്രവര്ത്തകര് വെളിപ്പെടുത്തിയിരുന്നു.
നിസാം ബഷീര് സംവിധാനം ചെയ്യുന്ന ചിത്രം ത്രില്ലറാണ്. ഷറഫുദ്ദീന്, ബിന്ദു പണിക്കര്, ഗ്രേസ് ആന്റണി, ജഗദീഷ്, കോട്ടയം നസീര്, സഞ്ജു ശിവറാം, ബാബു അന്നൂര്, മണി ഷൊര്ണൂര് എന്നിവരാണ് മറ്റ് അഭിനേതാക്കള്. മമ്മൂട്ടി കമ്പനി നിര്മിക്കുന്ന ചിത്രം ദുല്ഖര് സല്മാന്റെ വേഫെറര് ഫിലിംസ് ആണ് റിലീസ് ചെയ്യുന്നത്.
തിരക്കഥ ഒരുക്കുന്നത് അഡ്വഞ്ചേഴ്സ് ഓഫ് ഓമനക്കുട്ടന്, ഇബിലീസ് എന്നീ ചിത്രങ്ങളുടെ രചന നിര്വഹിച്ച സമീര് അബ്. ചിത്ര സംയോജനം കിരണ് ദാസ്. സംഗീതത്തിനും പശ്ചാത്തല സംഗീതത്തിനും ഏറെ പ്രാധാന്യം ഉള്ള ചിത്രത്തിന്റെ സംഗീതം മിഥുന് മുകുന്ദനും സൗണ്ട് ഡിസൈനര് നിക്സണും നിര്വഹിക്കുന്നു. പ്രോജക്ട് ഡിസൈനര്: ബാദുഷ, കലാസംവിധാനം :ഷാജി നടുവില്, പ്രൊഡക്ഷന് കണ്ട്രോളര്: പ്രശാന്ത് നാരായണന്, ചമയം : റോണക്സ് സേവ്യര്-എസ്. ജോര്ജ്, വസ്ത്രാലങ്കാരം:സമീറ സനീഷ് , പിആര്ഓ : പ്രതീഷ് ശേഖര്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here