പല തരത്തിലുള്ള ചെരുപ്പുകൾ ഇന്ന് മാർക്കറ്റിൽ വാങ്ങാൻ ലഭിക്കും അല്ലെ. ഇപ്പോഴിതാ പുതിയ ഒരു ചെരുപ്പ് രംഗത്ത് വന്നിട്ടുണ്ട്. അതാണ് ‘ക്രൂയിസ് 2026/27’ കളക്ഷനിലെ ബെയര്ഫൂട്ട് സ്സാന്ഡല് എന്നത്. ആ പേരിൽ തന്നെ ഒരു പ്രത്യേകതയുണ്ടല്ലെ?.. അപ്പോൾ പിന്നെ ചെരുപ്പിന്റെ കാര്യം ആലോചിച്ചു നോക്കൂ.
പേരു പോലെ തന്നെ ചെരുപ്പിന് അടിഭാഗമില്ല. കണ്ടാൽ ചെരുപ്പ് ധരിച്ചിട്ടില്ലെന്ന് തോന്നിപോകും. പ്രമുഖ ഫാഷൻ ബ്രാന്റ് ആയ ‘ചാനൽ’ ഇറക്കിയ ബട്ടര്ഫ്ളൈ ഡിസൈന് സാന്ഡല് സോഷ്യൽ മീഡിയയില് വലിയ ചർച്ച വിഷയമായിരുന്നു. Barefoot fashion എന്ന ആശയത്തില് നിന്ന് പ്രചോദനം ഉൾക്കൊണ്ട് നിർമിച്ചിരിക്കുന്ന ഈ ചെരുപ്പ് ലെസ് ഇസ് മോർ എന്ന ആശയത്തെയാണ് പ്രതിനിധാനം ചെയ്യുന്നത്.
ALSO READ:ജീൻസ് പെട്ടെന്ന് നിറം മങ്ങുന്നത് എന്തുകൊണ്ട്? എത്ര തവണ കഴുകാതെ ഉപയോഗിക്കാം
സാധാരണ ചെരുപ്പ് പോലെ ഈ സാന്ഡല്സിന് ഭാരം ഇല്ല. ബീച്ച് ഫാഷന്, റിസോര്ട്ട് വെയര്, സമ്മര് കളക്ഷന്സ് എന്നിവയിലാണ് ഈ ചെരുപ്പുകൾ സ്ഥാനം പിടിച്ചിരിക്കുന്നത്. സ്വര്ണനിറത്തിലുള്ള മെറ്റാലിക് ബട്ടര്ഫ്ളൈ ഡിസൈന്, കാലില് കെട്ടുന്ന ലേസ് സ്റ്റൈല് ഇതെല്ലാം ചേര്ന്നപ്പോള് ഈ ചെരുപ്പ് ഒരു ഫൂട്ട് വെയര് മാത്രമല്ല മറിച്ച് ഒരു ഫാഷന് സ്റ്റേറ്റ്മെന്റ് ആയി മാറി. കൂടാതെ സാരി, സ്ളിറ്റ് ഗൗണ്, ഷോര്ട്ട് ഡ്രസ്, കാഷ്വല് ഡെനിം ഡ്രസ് എന്നിങ്ങനെ എല്ലാത്തിന്റെയും കുടെ ഈ ചെരുപ്പ് ധരിക്കാൻ കഴിയുയെന്നത് മറ്റ് ഒരു പ്രത്യേകതയാണ്.
ഫാഷന് ലോകത്തെ വിദഗ്ധരുടെ കണക്കുകൂട്ടലുകൾ അനുസരിച്ച് 1,500 മുതല് 2000 യുഎസ് ഡോളര് വരെയാകാം ഈ ചെരുപ്പിന്റെ വില. അതായത് 1,25,000 മുതല് 1,65,000 ഇന്ത്യന് രൂപ. 2026 നവംബറോടെ ചെരുപ്പ് വിപണിയില് എത്തുമെന്നാണ് പ്രതീക്ഷിക്കുന്നത്. എന്നാൽ ഈ പുതിയ ഫാഷനെ വിമർശിച്ചു കൊണ്ടും ചില ആളുകൾ രംഗത്ത് വരുന്നുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
