യൂത്ത് ലീഗ് നേതാവ് പി കെ ഫിറോസിന്റെ സഹോദരൻ പി കെ ബുജൈർ സ്ഥിരം മയക്കുമരുന്ന് ഉപയോഗിക്കുന്ന വ്യക്തിയാണെന്ന് പൊലീസ്. മയക്കുമരുന്ന് കേസിൽ പിടിയിലായ റിയാസുമായി പലതവണ ഇയാൾ ഇടപാട് നടത്തിയിരുന്നതായി ബുജൈർ പൊലീസിനോട് സമ്മതിച്ചു. പി കെ ബുജൈർ നിരന്തരം ലഹരി മരുന്ന് ഉപയോഗിച്ചിരുന്നതായാണ് പൊലീസ് പറയുന്നത്.
ലഹരിക്കേസിൽ നേരത്തെ പിടിയിലായ ചൂലാംവയൽ സ്വദേശി റിയാസുമായി നിരവധി തവണ മയക്കുമരുന്ന് ഇടപാട് നടത്തിയുന്നുവെന്ന് ബുജൈർ സമ്മതിച്ചു. വൈദ്യപരിശോധന സമയത്താണ് മയക്കുമരുന്ന് ഉപയോഗിച്ചിരുന്നതായി ഇയാൾ പൊലീസിനോട് കുറ്റസമ്മതം നടത്തിയത്.
രാസലഹരിയായ മെത്താംഫെറ്റാമിൻ ഉപയോഗിച്ചിരുന്നതായും, ലഹരി ഉപയോഗത്തിന് പ്രേരിപ്പിക്കുന്ന പെരുമാറ്റം ഇയാളുടെ ഭാഗത്ത് നിന്ന് ഉണ്ടായിരുന്നതായും കണ്ടെത്തി. മറ്റ് കാര്യങ്ങൾ വിശദമായി അന്വേഷിച്ചു വരുന്നതായും കുന്ദമംഗലം പൊലീസ് അറിയിച്ചു. നിലവിൽ പൊലീസിനെ ആക്രമിച്ച കേസിൽ 14 ദിവസത്തെ റിമാന്റിലാണ് ബുജൈർ.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
