അതിസമ്പന്നർക്ക് ഉയർന്ന നികുതി ഏർപ്പെടുത്താനൊരുങ്ങി റഷ്യ. 2001 മുതൽ രാജ്യത്ത് തുടരുന്നത് ഒറ്റ നികുതി സംവിധാനമാണ്. ഇത് മാറ്റി വരുമാനത്തിനനുസരിച്ച് നികുതി ഏർപ്പെടുത്താനാണ് ഇപ്പോൾ ശ്രമിക്കുന്നത്. 24 ലക്ഷം റൂബിൾ (27,000 ഡോളർ) വരെ പ്രതിവർഷ വരുമാനമുള്ളവർക്ക് 13 ശതമാനമാകും നികുതിയാണ് ഏർപ്പെടുത്താൻ പോകുന്നത്. ഈ പരിധിയിലധികം വരുമാനമുള്ളവർക്ക് നികുതി നിരക്ക് ഉയരും.
പരമാവധി 22 ശതമാനം വരെയാകും ഉയരുക. 5 കോടി റൂബിളിനു (555,000 ഡോളർ) മുകളിലുള്ളവർക്കാണ് 22 ശതമാനം നികുതി എന്ന കണക്കിലാകും ഉയരുക. 50 ലക്ഷം റൂബിളിനു മുകളിൽ വരുമാനമുള്ളവർക്ക് 2021 മുതൽ 15 ശതമാനം എന്ന ഒറ്റ നികുതിയാകും ഏർപ്പെടുത്തുക. ഈ നികുതി ശുപാർശ മുൻപോട്ടുവച്ചെങ്കിലും പാർലമെന്റ് അംഗീകർക്കുന്നതോടെയേ നിലവിൽ വരികയുള്ളു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
