ആരാധകർക്ക് സർപ്രൈസ് കൊടുക്കുന്നതിൽ വിവോ തന്നെ ബെസ്റ്റ് എന്ന് വീണ്ടും തെളിയിച്ച് കമ്പനി. ഫ്ലാഗ്ഷിപ്പ് സീരീസായ X 200 സീരീസിൽ പുതിയ അതിഥിയുമായാണ് വിവോ എത്തിയിരിക്കുന്നത്. നിലവിൽ സീരീസിലെ ഏറ്റവും വില കുറഞ്ഞ ഫോണായ എക്സ് 200 fe യുടെ മുകളിൽ ഫീച്ചേഴ്സും പ്രൈസിംഗും വരുന്ന തരത്തിലാണ് പുതുമുഖമായ X 200 T എത്തുന്നത്. ജനുവരി 27 ന് ഫോൺ ഇന്ത്യയിൽ അവതരിപ്പിക്കും.
സവിഷേതകൾ അറിയാം:
6.67-ഇഞ്ച് വരുന്ന 1.5K (2800 × 1260) AMOLED ഡിസ്പ്ലേയാണ് ഫോണിന് നൽകിയിരിക്കുന്നത്. മീഡിയം സൈസ് ഡിസ്പ്ലേയാണിത്. ആൻഡ്രോയിഡ് 16 അടിസ്ഥനാക്കിയ ഒറിജിൻ ഒഎസ് 6 ഇൽ പ്രവർത്തിക്കുന്ന ഫോണിൽ 5 വർഷത്തെ ആൻഡ്രോയിഡ് OS അപ്ഡേറ്റുകളും 7 വർഷത്തെ സുരക്ഷാ അപ്ഡേറ്റുകളും വിവോ വാഗ്ദാനം ചെയ്യുന്നു. LPDDR5X അൾട്രാ റാമും UFS 4.1 സ്റ്റോറേജും പിന്തുണയുള്ള ഡിവൈസിന്റെ കരുത്ത് മീഡിയടെക് ഡൈമെൻസിറ്റി 9400+ SoC ചിപ്സെറ്റാണ്.
കാമറയാണ് സാറേ ഇവന്മാരുടെ മെയിൻ എന്നാണ് വിവോയെ പറ്റി പൊതുവെ പറയാറ്. അതിവിടെയും തെറ്റിയിട്ടില്ല. Zeiss പിന്തുണയോടെയുള്ള 50 എംപി ട്രിപ്പിൾ കാമറ സെറ്റപ്പാണ് പിന്നിൽ ഒരുക്കിയിരിക്കുന്നത്. 50MP സോണി LYTIA LYT-702 (OIS, Zeiss സൂപ്പർ ഫോട്ടോ സെൻസിറ്റീവ്) പ്രൈമറി ലെൻസ്, 50MP സാംസങ് JN1 (Zeiss Beyond Vision വൈഡ്-ആംഗിൾ), 50MP സോണി LYT-600 (Zeiss സൂപ്പർ പെരിസ്കോപ്പ്) എന്നിങ്ങനെയാണ് ഫോണിന്റെ കാമറാ സെറ്റപ്പ്. 90W വയർഡ് ചാർജിംഗും 40W വയർലെസ് ചാർജിംഗും സപ്പോർട്ട് ചെയ്യുന്ന 6,200mAh ബാറ്ററിയാണ് ഫോണിന് പവർ നൽകുന്നത്.
Wi-Fi 7, ബ്ലൂടൂത്ത് 5.4, 3D അൾട്രാസോണിക് ഇൻ-ഡിസ്പ്ലേ ഫിംഗർപ്രിന്റ് സ്കാനർ, വെള്ളവും പൊടിയും പ്രതിരോധിക്കാൻ IP68 / IP69 റേറ്റിങ്, 4.5K നാനോഫ്ലൂയിഡ് VC ഹീറ്റ് ഡിസ്സിപ്പേഷൻ സിസ്റ്റം, eSIM പിന്തുണ തുടങ്ങിയവയാണ് മറ്റു സവിശേഷതകൾ. കറുപ്പും പർപ്പിളും നിറങ്ങളിൽ ഫോൺ ലഭ്യമാകും. 12GB + 256GB: ₹59,999, 12GB + 512GB: ₹69,999 എന്നിങ്ങനെയാണ് പ്രതീക്ഷിക്കുന്ന വില.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
