തിരുവനന്തപുരം കളക്ടറേറ്റിൽ റിക്രിയേഷൻ ക്ലബിന്റെ നേതൃത്വത്തിൽ ഓപ്പൺ ജിം തുറന്നു. കളക്ടറേറ്റിനു മുന്നിലെ പാർക്കിൽ സജ്ജീകരിച്ച ഓപ്പൺ ജിമ്മിന്റെയും വെയ്റ്റ് ലോസ്സ് ചലഞ്ചിന്റെയും ഉദ്ഘാടനം ജില്ലാ കളക്ടർ അനു കുമാരി നിർവ്വഹിച്ചു. പ്രൊജക്ട് സൗഖ്യത്തിന്റെ ഭാഗമായാണ് ജിം തുറന്നത്.
സ്വന്തം ആരോഗ്യത്തിന് പ്രാധാന്യം നൽകിയാൽ മാത്രമേ, നമ്മുടെ കർമ്മപഥത്തിൽ കൂടുതൽ കാര്യക്ഷമമായി കാര്യങ്ങൾ ചെയ്യാൻ നമുക്ക് സാധിക്കുകയുള്ളൂവെന്ന് കളക്ടർ പറഞ്ഞു. വെയ്റ്റ് ലോസ് മാനേജ്മെന്റ് ചലഞ്ചിന് പുറമേ ഓരോ മാസവും പുതിയ ചലഞ്ചുകളുമായി പദ്ധതി തുടരും.
കളക്ടറേറ്റിൽ രാവിലെയും വൈകീട്ടും നടത്തത്തിനായി എത്തുന്ന പൊതുജനങ്ങൾക്കും ഉപയോഗിക്കാവുന്ന വിധത്തിലാണ് ജിം ക്രമീകരിച്ചിരിക്കുന്നത്. എഡിഎം വിനീത് ടി കെ, കളക്ടറേറ്റിലെ ജീവനക്കാർ എന്നിവർ ചടങ്ങിൽ പങ്കെടുത്തു.
News Summary: An open gym has been opened at the Thiruvananthapuram Collectorate under the leadership of the Recreation Club. The gym has been arranged in such a way that it can also be used by the general public who come to the Collectorate for morning and evening walks.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
