ഇന്ഡിഗോ എയര്ലൈന്സിന്റെ സൂറത്ത്-ഗോവ വിമാനം കഴിഞ്ഞ ദിവസം ഏഴ് മണിക്കൂര് വൈകി. പൈലറ്റിന് പെട്ടെന്ന് അസുഖം വന്നപ്പോള്, മറ്റൊരു പൈലറ്റിനെ ഏര്പ്പാടാക്കാന് അധിക സമയമെടുത്തതാണ് വിമാനം വൈകാന് കാരണമായത്.
നവരാത്രി ആഘോഷങ്ങള്ക്കായി സൂറത്തില് എത്തേണ്ട യാത്രക്കാരായിരുന്നു ഗോവ എയര്പോര്ട്ടിലുണ്ടായിരുന്നത്. എന്നാല് വിമാനം വൈകിയതോടെ യാത്രക്കാരെല്ലാം കിഞ്ചല് ദവേയുടെ പാട്ടിനൊപ്പം നൃത്തം ചെയ്യുന്നതാണ് പിന്നീട് കാണാന് കഴിഞ്ഞത്.
സൂറത്തില് നിന്ന് ഗോവയിലേക്ക് പോയ വിമാനത്തിലെ പൈലറ്റിന് അസുഖം വന്നപ്പോള്, വിമാനം വിമാനത്താവളത്തിലെ പാര്ക്കിംഗ് ബേയില് നിര്ത്തുകയായിരുന്നു. തുടര്ന്ന് മറ്റൊരു പൈലറ്റിനെ ക്രമീകരിക്കാന് എയര്ലൈന് 7 മണിക്കൂര് എടുത്തു.
സൂറത്തില് പോയി ഗര്ബ കളിക്കാന് ആഗ്രഹിച്ചാണ് ഫ്ലൈറ്റില് കയറിയതെന്ന് ചിലര് പറഞ്ഞതോടെ യാത്രക്കാര് വിമാനത്താവളത്തില് തന്നെ ഗര്ബ നൃത്തം ചെയ്യുമായിരുന്നു. യാത്രക്കാരുടെ ആവശ്യപ്രകാരം സ്റ്റാഫ് അംഗം യാത്രക്കാര്ക്ക് സ്പീക്കറുകള് ക്രമീകരിച്ചു. അതിനുശേഷം, എല്ലാ യാത്രക്കാരും ഗോവ വിമാനത്താവളത്തില് കിഞ്ചല് ദവേയുടെ ഗാനത്തില് നൃത്തംവെച്ചു. ഗോവ വിമാനത്താവളത്തില് യാത്രക്കാര് ഗര്ബ കളിക്കുന്നതിന്റെ വീഡിയോ സോഷ്യല് മീഡിയയില് വളരെ പെട്ടെന്ന് വൈറലായിരിക്കുകയാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
