ഇറാനുമായുള്ള യുദ്ധം അവസാനിപ്പിക്കുന്നതിനെക്കുറിച്ച് അമേരിക്ക ആലോചിക്കുകയാണെന്ന് പ്രസിഡന്റ് ട്രംപ് . നിശ്ചയിച്ച ലക്ഷ്യങ്ങൾ കൈവരിക്കുന്നതിനോട് തങ്ങൾ വളരെ അടുത്തെത്തിയതായും അദ്ദേഹം സോഷ്യൽ മീഡിയയിൽ കുറിച്ചു.
എന്നാൽ, ട്രംപിന്റെ ഈ പ്രസ്താവനകൾ പുറത്തുവരുമ്പോഴും ഹോർമുസ് കടലിടുക്ക് വീണ്ടും തുറക്കുന്നതിനായി ഇറാനിയൻ ഡ്രോണുകൾക്കും നാവിക കപ്പലുകൾക്കും നേരെയുള്ള വ്യോമാക്രമണം യുഎസ് ഉദ്യോഗസ്ഥർ ശക്തമാക്കിയിരിക്കുകയാണ്.
മറ്റൊരു വശത്ത്, ഒരു വെടിനിർത്തലിന് താൻ തയ്യാറല്ലെന്ന് അദ്ദേഹം വൈറ്റ് ഹൗസിൽവെച്ച് മാധ്യമപ്രവർത്തകരോട് പറഞ്ഞു. എതിരാളികളെ അക്ഷരാർത്ഥത്തിൽ തകർക്കുമ്പോൾ ഒരു വെടിനിർത്തലിന്റെ ആവശ്യമില്ലെന്നാണ് അദ്ദേഹത്തിന്റെ നിലപാട്.
യുദ്ധം അവസാനിക്കാറായെന്ന് പ്രസിഡന്റ് പലതവണ ആവർത്തിക്കുമ്പോഴും മേഖലയിൽ അമേരിക്കൻ ആക്രമണങ്ങൾ കൂടുതൽ തീവ്രമാകുന്ന കാഴ്ചയാണ് നിലവിലുള്ളത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
