ഇവിടെക്കുറച്ച് നേരത്തെയാണ് ന്യൂയർ… ആദ്യം ന്യൂയർ പിറന്നത് ന്യൂസിലാൻ്റിൽ

പുത്തൻ പ്രതീക്ഷകളുമായി പുതുവർഷത്തെ വരവേൽക്കാൻ ലോകം ഒരുങ്ങിയിരിക്കുകയാണ്. ലോകമെമ്പാടും വിവധങ്ങളായ ആഘോഷങ്ങളും ആരംഭിച്ചു കഴിഞ്ഞു. ഇന്ത്യയിലും വിവിധയിടങ്ങളിൽ അതി മനോഹരമായ ആഘോഷ പരിപാടികളാണുള്ളത്. കേരളത്തിൽ പലയിടത്തും പാപ്പാനിയും പടക്കങ്ങളുമെല്ലാം ഒരുങ്ങിക്കഴിഞ്ഞിട്ടുണ്ട്. കൃത്യം 12 ന് തന്നെ 2026 നെ ജനങ്ങൾ ഹൃദയത്തോട് ചേർക്കും.

എന്നാൽ ലോകത്ത് എല്ലായിടത്തും ഒരേ സമയത്താണോ പുതുവർഷം എത്തുക? അല്ല എന്നുള്ളത് തന്നെയാണ് ഉത്തരം. വിവിധ രാജ്യങ്ങളിൽ വ്യത്യസ്തമായ സമയങ്ങളിലാണ് ന്യൂയർ എത്തുക. ന്യീസിലാൻ്റിൽ പുതുവർഷം എത്തിക്കഴിഞ്ഞു. ഓക്ലാൻ്റാണ് ആദ്യമായി 2025 നോട് വിട പറഞ്ഞിരിക്കുന്നത്.

Also read; പുതുവർഷത്തെ വരവേൽക്കാൻ ഫോർട്ട് കൊച്ചി ഒരുങ്ങി; ഇത്തവണ കത്തിയമരാൻ രണ്ട് പാപ്പാഞ്ഞിമാർ

ഇന്ത്യൻ സമയം ഏകദേശം 4.30 ഓടെയാണ് ഓക്ലൻ്റിൽ ന്യൂയറെത്തിയത്. സ്കൈ ടവറിൽ 12 അടിച്ചപ്പോൾ 3200 ഓളെ പടക്കങ്ങളും കരി മരുന്ന് പ്രയോ​ഗങ്ങളും ടവറിൻ്റെ വിവിധ നിലകളിൽ നിന്നായി ആകശത്തേക്കുയർന്നു. ഏകദേശം അഞ്ച് മിനുട്ടോളം ഇത് നീണ്ടു നിൽക്കുയും ചെയ്തു. ​ദക്ഷിണ പസഫിക് രാജ്യങ്ങളാണ് ആദ്യമായി ന്യൂയറിനെ വരവേൽക്കുക. മറ്റ് ദ്വീപ് ​രാജ്യങ്ങളായ ടോംഗ, സമോവ, കിരിബാത്തി എന്നിവടങ്ങളിലും പുതുവർഷം നേരത്തെയാണ് എത്തുക.