‘കൽക്കി’യ്ക്ക് രണ്ട് ദേശീയപുരസ്കാരങ്ങൾ: രണ്ടാംഭാഗം എപ്പോൾ തിയേറ്ററുകളിൽ എത്തും?

പ്രഭാസ് കേന്ദ്ര കഥാപാത്രമായി 2024ൽ പുറത്തിറങ്ങിയ സിനിമയാണ് ‘കൽക്കി 2898 എ.ഡി’. നാഗ് അശ്വിൻ സംവിധാനം ചെയ്ത ഈ ബ്ലോക്ക്ബസ്റ്റർ സയൻസ് ഫിക്ഷൻ ചിത്രം 72-ാമത് ദേശീയ ചലച്ചിത്ര പുരസ്‌കാരങ്ങളിലും തിളങ്ങി. രണ്ട് പുരസ്കാരങ്ങളാണ് ചിത്രം സ്വന്തമാക്കിയത്, ഏറ്റവും മികച്ച ജനപ്രിയ ചിത്രത്തിനുള്ള പുരസ്‌കാരവും മികച്ച പ്രൊഡക്ഷൻ ഡിസൈനിനുള്ള പുരസ്‌കാരവും. ‘കൽക്കി’യുടെ രണ്ടാം ഭാ​ഗം എന്ന് വരുമെന്നാണ് സിനിമാപ്രേമികളുടെ പ്രധാന ചോദ്യം.

നിലവിൽ ലഭിക്കുന്ന ഏറ്റവും പുതിയ റിപ്പോർട്ടുകൾ പ്രകാരം 2027-ൽ ‘കൽക്കി’യുടെ രണ്ടാം ഭാഗം പ്രേക്ഷകർക്കരികിലേക്ക് എത്തും. രണ്ടാം ഭാഗത്തിന്റെ അണിയറ പ്രവർത്തനങ്ങൾ അതിവേഗം പുരോഗമിക്കുകയാണ് എന്നാണ് വിവരം. വൈജയന്തി മൂവീസാണ് ഈ ബി​ഗ് ബജറ്റ് സിനിമകളുടെ നിർമാണം. ‘കൽക്കി’യുടെ രണ്ടാം ഭാഗം ഒന്നാം ഭാ​ഗത്തേക്കാൾ വലിയ ദൃശ്യവിരുന്നായിരിക്കുമെന്നാണ് വൈജയന്തി മൂവീസ് പറയുന്നത്.

ALSO READ: ബോക്സോഫീസ് തൂക്കുമോ ‘ജനനായകൻ’? അഡ്വാൻസായി എത്രനേടി?

പ്രഭാസിനൊപ്പം അമിതാഭ് ബച്ചൻ, കമൽ ഹാസൻ, ദീപിക പദുകോൺ തുടങ്ങി ഇന്ത്യൻ സിനിമയിലെ വമ്പൻ താരനിരയാണ് കൽക്കിയുടെ ആദ്യഭാ​ഗത്തിൽ അണിനിരന്നത്. ബോക്‌സ് ഓഫീസിൽ ചരിത്ര വിജയമാണ് ഈ മിത്തോളജിക്കൽ സയൻസ് ഫിക്ഷൻ ചിത്രം സ്വന്തമാക്കിയത്. 1200 കോടിക്ക് മുകളിലാണ് ആഗോള തലത്തിൽ ചിത്രം വാരിക്കൂട്ടിയത്. 2024ലെ ഏറ്റവും കൂടുതൽ കളക്ഷൻ നേടിയ ഇന്ത്യൻ ചിത്രമെന്ന റെക്കോർഡും കൽകിയുടെ പേരിലായി. ഹിന്ദിയിൽനിന്ന് മാത്രം 300 കോടിയിൽ അധികമായിരുന്നു കളക്ഷൻ.