നാളെ രണ്ട് ജില്ലകളിൽ മഞ്ഞ അലർട്ട്; അടുത്ത 5 ദിവസത്തേക്കുള്ള മഴ സാധ്യത പ്രവചിച്ച് കേന്ദ്ര കാലാവസ്ഥാ വകുപ്പ്

സംസ്ഥാനത്ത് ചില ജില്ലകളിൽ മ‍ഴ കനക്കും. അടുത്ത 5 ദിവസത്തേക്കുള്ള മഴ സാധ്യത കേന്ദ്ര കാലാവസ്ഥ വകുപ്പ് പുറത്തുവിട്ടു. വിവിധ ജില്ലകളിൽ കേന്ദ്ര കാലാവസ്ഥ വകുപ്പ് മഞ്ഞ (Yellow) അലർട്ട് പ്രഖ്യാപിച്ചിട്ടുണ്ട്. നാളെയും മറ്റന്നാ‍ളും (5&6 തീയതികൾ) പത്തനംതിട്ട, ഇടുക്കി ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

ALSO READ; ‘മഹാദുരന്തത്തിൽ സർവവും നഷ്ടപ്പെട്ടവരെ ഒരിക്കൽപ്പോലും കേന്ദ്രം മനുഷ്യരായി കണ്ടിട്ടില്ല’; 260 കോടി പരിഹാസത്തുകയെന്ന് കെ റഫീഖ്

അതേസമയം, കേരളത്തിലെ ‘ജനകീയ കാലാവസ്ഥ (ദിനാവസ്ഥ) നിരീക്ഷണ ശൃംഖല’ (Participatory Weather Monitoring Network) ശക്തിപ്പെടുത്തുന്നതിനായി 2025 ഒക്ടോബർ 15-16 തീയതികളിലായി സംസ്ഥാന ദുരന്തനിവാരണ അതോറിറ്റി ദ്വിദിന ശില്പശാല സംഘടിപ്പിക്കും. കേന്ദ്ര കാലാവസ്ഥ വകുപ്പ് പുതിയ റഡാർ സ്ഥാപിക്കാൻ തിരഞ്ഞെടുത്തിരിക്കുന്ന വയനാട് പഴശ്ശിരാജ കോളേജിൽ വെച്ചാണ് ശില്പശാല സംഘടിപ്പിക്കുന്നത്.