തദ്ദേശ തെരഞ്ഞെടുപ്പ് അടുക്കാറായപ്പോൾ യുഡിഎഫിൽ തർക്കങ്ങളുടെയും അതൃപ്തിയുടെയും ഘോഷയാത്രയാണ്. ഇപ്പോഴിതാ ഇടുക്കി യുഡിഎഫിലാണ് തർക്കം മുറുകുന്നത്.
മുന്നണി വിടുമെന്ന് പ്രഖ്യാപിച്ച് മുസ്ലിം ലീഗ് രംഗത്തെത്തുന്ന കാഴ്ചയാണ് കാണുന്നത്. ജില്ലാ പഞ്ചായത്തിൽ ലീഗിന് സീറ്റില്ല എന്ന യുഡിഎഫ് കൺവീനറുടെ പ്രസ്താവനയിലാണ് ലീഗ് പ്രകോപിതരായത്. ജില്ലാ പഞ്ചായത്തിൽ മുസ്ലിം ലീഗിന് സീറ്റില്ല എന്ന് യുഡിഎഫ് കൺവീനർ ജോയി വെട്ടിക്കുഴി പറഞ്ഞിരുന്നു. ജില്ലാ പഞ്ചായത്തിൽ കൂടാതെ അടിമാലി ബ്ലോക്ക് പഞ്ചായത്തിലും ലീഗിന് സീറ്റ് നൽകിയിട്ടില്ല.
അതേസമയം ദേവികുളം നിയോജക മണ്ഡലത്തിൽ ലീഗിനെ പാടെ അവഗണിച്ചുവെന്നും അർഹമായ സീറ്റ് ലഭിച്ചില്ലെങ്കിൽ ദേവികുളം നിയോജകമണ്ഡലത്തിൽ തനിയെ മത്സരിക്കുമെന്നും ജില്ലാ ലീഗ് നേതൃത്വം അറിയിച്ച് രംഗത്തെത്തി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
