കൊല്ലം പത്തനാപുരത്ത് ബ്ലോക്ക് ഡിവിഷന്‍റെ വോട്ടിങ് മെഷീൻ മാറി; ഇടുക്കിയിൽ പലയിടത്തും പണിമുടക്കി ഇവിഎം

കൊല്ലം പത്തനാപുരത്ത് ബ്ലോക്ക് ഡിവിഷന്‍റെ വോട്ടിങ് മെഷീൻ മാറി. പട്ടാഴി പാണ്ടിത്തിട ഗവ. എൽ പി എസിലെ ബൂത്തിൽ നടുത്തേരി ബ്ലോക്ക് ഡിവിഷന്റെ മെഷീനായിരുന്നു എത്തിക്കേണ്ടിയിരുന്നത്. പകരം തലവൂർ ഡിവിഷന്റെ വോട്ടിങ്ങ് മെഷീനാണ് എത്തിച്ചത്. വോട്ടെടുപ്പ് ആരംഭിച്ചതിന് പിന്നാലെ പലയിടത്ത് നിന്നായി ഇ വി എം തകരാറുകളും റിപ്പോർട്ട് ചെയ്തു.

കൊല്ലം കോർപറേഷൻ ഭരണിക്കാവ് ഡിവിഷൻ ഒന്നാം നമ്പർ ബൂത്തിലാണ് വോട്ടിങ്ങ് മെഷീൻ തകരാറിലായത്. ഇടുക്കി വണ്ടിപ്പെരിയാർ പഞ്ചായത്ത്‌ 13ാം വാർഡ് ബൂത്ത്‌ ഒന്നിലും ഇ വി എം തകരാർ റിപ്പോർട്ട് ചെയ്തു.

ALSO READ; തദ്ദേശപ്പോരിന് തുടക്കം: വോട്ടെടുപ്പ് ആരംഭിച്ചു; പോളിങ് ബൂത്തുകളിലേക്കൊ‍ഴുകി ജനം

ഇടുക്കി വണ്ടിപ്പെരിയാർ തങ്കമലയിലും വോട്ടിങ് മെഷീൻ തകരാറിലായിട്ടുണ്ട്. ഇവിടങ്ങളിൽ തകരാറ് പരിഹരിക്കാൻ ശ്രമം നടക്കുന്നു. നെടുംകണ്ടം പഞ്ചായത്ത്‌ 14 വാർഡ് തൂക്കുപാലം എസ് എൻ ഡി പി ഹാളിലും യന്ത്രത്തകരാർ റിപ്പോർട്ട് ചെയ്തിട്ടുണ്ട്.

News Summary: Pathanapuram Block Records EVM Swap, Multiple EVM Malfunctions Reported Across Idukki right after election.