ഇനി മുതൽ സ്വർണത്തിന് കൂടുതൽ വായ്പ ലഭിക്കും; റിസർവ് ബാങ്ക് ഓഫ് ഇന്ത്യയുടെ പുതിയ നിർദേശങ്ങൾ

സ്വർണ്ണപ്പണയ വായ്പകൾ സംബന്ധിച്ച് റിസർവ് ബാങ്ക് ഓഫ് ഇന്ത്യ ചില കർശന നിർദേശങ്ങൾ കഴിഞ്ഞ ഏപ്രിൽ മാസത്തിൽ പുറപ്പെടുവിച്ചിരുന്നു.
എന്നാൽ കഴിഞ്ഞ പണ നയ അവലോകന യോഗത്തിൽ ഈ തീരുമാനങ്ങൾ മയപ്പെടുത്തിയിരിക്കുകയാണ്. കൂടാതെ സ്വർണം പണയം വെയ്ക്കാൻ ആലോചിക്കുന്നവർക്ക് ഉപകാരപ്രദമാകുന്ന ചില തീരുമാനങ്ങളും റിസർവ് ബാങ്ക് കൈകൊണ്ടിട്ടുണ്ട്.

ഈ തീരുമാനത്തിൽ, സ്വർണ്ണപ്പണയ വായ്പ എടുക്കാൻ ഉദ്ദേശിക്കുന്നവരും, ലോൺ എടുത്തിട്ടുള്ളവരും അറിഞ്ഞിരിക്കേണ്ട ചില കാര്യങ്ങളെക്കുറിച്ച് വിശദീകരിക്കാം.

Also Read: ഓഡിയോ ബുക്ക് വിതരണത്തിൽ ആമസോൺ കേസ് നേരിടണം: യു എസ് കോടതി

ഇനി മുതൽ സ്വർണം പണയം വെയ്ക്കുമ്പോൾ കൂടുതൽ പണം ലഭിക്കും.
നിലവിൽ മൂല്യത്തിന്റെ 75 ശതമാനമാണ് വായ്പയായി ലഭിക്കുന്നത്. എന്നാൽ ഇത് 85 ശതമാനമായി വർധിപ്പിക്കാൻ ആർ ബി ഐ അനുമതി നൽകിയിട്ടുണ്ട്. പലിശയടക്കം ആകെ വായ്പാ തുക 2.5 ലക്ഷം വരെയുള്ള ലോണുകൾക്കാണ് ഈ തീരുമാനം ബാധകമാകുക.

Also Read: അഹമ്മദാബാദ് വിമാനാപകടം: ബോയിംഗ് ഓഹരി വിലയിൽ വൻ ഇടിവ്; 7.5% കുറഞ്ഞു

വായ്പ എടുക്കുന്നവർക്ക് വായ്പ വ്യവസ്ഥകൾ വാല്യുവേഷൻ വിവരങ്ങൾ തുടങ്ങിയവ പ്രാദേശിക ഭാഷയിൽ ലഭ്യമാക്കണം. കൂടാതെ ലോൺ എടുക്കവർ നിരക്ഷരരാണെങ്കിൽ സ്വതന്ത്രനായ വ്യക്തിക്ക് മുമ്പിൽ വെച്ച് വിവരങ്ങൾ വായിച്ചു കേൾപ്പിക്കണം എന്ന വ്യവസ്ഥയുമുണ്ട്.