ആദ്യ ഓസ്ട്രേലിയൻ ഓപ്പൺ കിരീടം സ്വന്തമാക്കി എലീന റൈബക്കിന

കസാഖിസ്ഥാൻ താരം എലീന റൈബക്കിന ലോകനമ്പർ ഒന്നായ ആരിന സബാലെങ്കയെ തോൽപ്പിച്ച് തന്റെ ആദ്യ ഓസ്ട്രേലിയൻ ഓപ്പൺ കിരീടം സ്വന്തമാക്കി. നാടകീയമായ മൂന്നാം സെറ്റിലെ തിരിച്ചുവരവിലൂടെയാണ് റൈബക്കിന വിജയിച്ചത്. ഫൈനലിൽ റൈബക്കിന 3-0 പിന്നിലായിരുന്നപ്പോൾ, സബാലെങ്ക നാലാം ഗ്രാൻഡ് സ്ലാം സിംഗിൾസ് ടൈറ്റിൽ ഉറപ്പിച്ചിരുന്നു. എന്നാൽ അഞ്ചാം സീഡ് റൈബക്കിന നിരന്തരമായി അഞ്ച് ഗെയിമുകൾ നേടി ഫൈനൽ സെറ്റ് 6-4, 4-6, 6-4 ആക്കി മാറ്റി 2023 ലെ ഫൈനലിലെ തോൽവി പഴങ്കഥയാക്കി.

Also Read : ഓസ്‌ട്രേലിയൻ ഓപ്പണിൽ ഗ്ലാമർ പോരാട്ടത്തിന് കളമൊരുങ്ങുന്നു; ഫൈനലിൽ ജോക്കോവിച്ചും അൽക്കാരസും നേർക്കുനേർ

യു.എസ് ഓപ്പൺ ചാമ്പ്യൻ സബാലെങ്ക കഴിഞ്ഞ നാല് ഗ്രാൻഡ് സ്ലാം ഫൈനലുകളിൽ മൂന്നു തവണ തോറ്റിട്ടുണ്ട്. രണ്ട് സെറ്റുകളിലും റൈബക്കിനയുടെ ശക്തമായ സർവുകൾ തകർന്ന സബാലെങ്ക നാലാം ഓസ്ട്രേലിയൻ ഓപ്പൺ ട്രോഫി നേടാനുള്ള സാധ്യത നഷ്ടപ്പെടുത്തി. ഇതോടെ റൈബക്കിന 2022 വിംബൾഡൻ വിജയത്തിന് ശേഷം തന്റെ രണ്ടാം ഗ്രാൻഡ് സ്ലാം ടൈറ്റിൽ സ്വന്തമാക്കി. പുരുഷ സിംഗിൾസ് ഫൈനൽ പോരാട്ടത്തിൽ ഇത്തവണ ലോക ഒന്നാം നമ്പർ താരം കാർലോസ് അൽക്കാരസും സെർബിയൻ സൂപ്പർ താരം നൊവാക് ജോക്കോവിച്ചും ഏറ്റുമുട്ടും.