ഇന്ത്യയിലെ പോസ്റ്റ് ബോക്സുകൾ എന്തുകൊണ്ട് ചുവപ്പ് നിറത്തിൽ, കാരണം സിമ്പിളാണ്

ഒരുകാലത്തിന്റെ ഓർമകൾ മുഴുവനും കൂടികിടക്കുന്നത് പോസ്റ്റ് ബോക്സുകളിലാണെന്ന് വേണമെങ്കിൽ പറയാം. സാങ്കേതിക മേഖലയിൽ വലിയ വളർച്ച സംഭവിക്കുന്നതിന് മുൻപ് ജനങ്ങൾ ആശയവിനിമയം പൂർണമായി നടത്തിയിരുന്നത് കത്തുകളയച്ചാണ്. കഴിഞ്ഞ കുറച്ച് നാളുകൾക്ക് മുൻപ് ഇന്ത്യയിൽ പോസ്റ്റ് ബോക്സുകൾ നിർത്തലാക്കുന്നുവെന്ന വിവരം പുറത്തുവന്നിരുന്നു. ഇതോടെയാണ് പോസ്റ്റ് ബോക്സുകൾക്ക് മനുഷ്യജീവിതവുമായുള്ള ബന്ധം എത്രമാത്രം വലുതാണെന്ന് മനസിലാക്കാൻ സാധിച്ചത്. ഇന്ത്യയിലെ പോസ്റ്റ് ബോക്സുകൾ പൊതുവേ ചുവപ്പ് നിറത്തിലാണ് കാണപ്പെടുന്നത്. ഇതിന് കാരണമെന്താണെന്ന് നിങ്ങൾ ഒരു തവണയെങ്കിലും ചിന്തിച്ചിട്ടുണ്ടോ.

ഇന്ത്യയിലെ പോസ്റ്റ് ബോക്സുകൾക്ക് ചുവപ്പ് നിറം നൽകിയത് ബ്രിട്ടീഷ് ഭരണകാലത്താണ്. ഇന്ത്യയിൽ തപാൽ സംവിധാനം തുടങ്ങിയ ആദ്യകാലങ്ങളിൽ പോസ്റ്റ് ബോക്സുകൾക്ക് പച്ച നിറമായിരുന്നു. എന്നാൽ ആളുകൾക്ക് മരങ്ങൾക്കും ചെടികൾക്കുമിടയിൽ ഇവ പെട്ടെന്ന് കണ്ടെത്താൻ ബുദ്ധിമുട്ടായതിനെത്തുടർന്നാണ് 1874 ൽ നിറം മാറ്റിയത്. ദൂരത്തുനിന്നും ആളുകളുടെ ശ്രദ്ധയിൽപ്പെടാൻ ഏറ്റവും അനുയോജ്യമായ നിറം ചുവപ്പായതുകൊണ്ടാണ് പോസ്റ്റ് ബോക്സുകളുടെ നിറം ഇത്തരത്തിൽ മാറ്റിയതെന്നാണ് വിവരം.

also read:രുചിയും രഹസ്യവും നിറഞ്ഞ ഐക്കൺ ഡിഷ്, ചിക്കൻ 65 ന്റെ പിന്നിലെ കഥ

ഇന്ത്യയിൽ ജനറൽ മെയിലുകൾക്ക് ചുവപ്പ് നിറമാണ് ഉപയോഗിക്കുന്നതെങ്കിലും, അക്ഷരങ്ങൾ വേഗത്തിൽ അടുക്കാൻ സഹായിക്കുന്നതിന് പ്രാദേശിക നഗര മെയിലുകൾക്ക് പച്ച നിറത്തിലുള്ള ബോക്സുകളും, വേഗതയേറിയ മെട്രോ നഗരങ്ങൾക്ക് നീല നിറത്തിലുള്ള ബോക്സുകളും ഉപയോഗിക്കുന്നു. എന്നിരുന്നാലും ഈ കാഴ്ച അത്യപൂർവമായേ കാണാൻ സാധിക്കുള്ളൂ.

മുൻ ബ്രിട്ടീഷ് കോളനികളിൽ ഭൂരിഭാഗവും ചുവന്ന പെട്ടികൾ സൂക്ഷിച്ചിരുന്നപ്പോൾ, ചൈന കടും പച്ച നിറത്തിൽ നിന്ന് വ്യത്യസ്തമായി നിറം മാറ്റി. ക്വിംഗ് രാജവംശത്തിന്റെ അവസാന കാലത്ത് ഇന്റർനെറ്റിൽ ഈ പാരമ്പര്യം ആരംഭിച്ചു. ക്വിംഗ് സാമ്രാജ്യം അതിന്റെ ആധുനിക തപാൽ സേവനം സ്ഥാപിച്ചപ്പോൾ, ഔദ്യോഗിക ബ്രാൻഡ് നിറമായി കടും പച്ച നിറം തെരഞ്ഞെടുത്തതായി റിപ്പോർട്ടുണ്ട്.